​ពាក្យចាស់​ពោល​ថា មនុស្ស​ស្រី​ដែល​ស្អាត ចេះ​ថែរក្សា​ភ្នែក មនុស្ស​ស្រី​ដែល​ឆ្លាត​ចេះ​ថែរក្សា​ខួរក្បាល មនុស្ស​ស្រី​ដែល​មាន​សុខភាព​ល្អ ចេះ​ថែរក្សា​សុខភាព​។
​១. មានចិត្ត​ល្អ​ ៖ ​នារី​ដែល​មានចិត្ត​ល្អ ធ្វើ​ឲ្យ​បុរស​មាន​ចិត្តទន់​។ បើ​ចិត្តសាហាវ គ្មាន​នរណា​ម្នាក់​ហ៊ាន​មក​ជិត​ទេ​។​
២. ចេះ​ស្រលាញ់​ខ្លួន​ ៖ ​ធ្វើ​ជា​មនុស្ស​ថ្លៃថ្នូរ មិនឲ្យ​គេ​ជាន់ឈ្លី ដោយ​ងាយៗ​។​
៣. មាន​ការអប់រំ​ ៖ ​មនុស្ស​ស្រី​គ្មាន​សម្ជស្ស​ក៏បាន ប៉ុន្តែ ត្រូវតែ​មាន​ការអប់រំ ព្រោះ​គ្រួសារ​មួយ ត្រូវការ​មនុស្ស​ស្រី ដែល​មាន​ការអប់រំ មក​ធ្វើជា​ភរិយា ធ្វើ​ជា​ម្តាយ និង​ធ្វើ​ជា​កូនប្រសារ​។​
៤. សុភាពរាបសា​ ៖ ​មនុស្ស​ស្រី​ដែល​ល្អ មិន​ត្រូវ​ខ្វះ​ចំនុច​នេះ​ទ្បើយ ព្រោះ​វា​ជា​សំលៀកបំពាក់​ដ៏​ស្អាត​បំផុត​។ នៅ​ពេល​អ្នក​ពាក់​វា​ទ្បើង វា​នឹង​ធ្វើឲ្យ​អ្នក​ដទៃ មាន​អារម្មណ៍​ស្រស់ថ្លា​។​
​៥. មានចិត្ត​អំណត់​ ៖ ​នារី​ម្នាក់​ត្រូវតែ​ដើរតួ​ជា​ច្រើន​តួអង្គ ដូចជា កូន ប្រពន្ធ កូនប្រសារ និង​ម្តាយ​។​ប្រសិនបើ​គ្មាន​ភាព​អំនត់​ទេ គ្រួសារ​នឹង​គ្មាន​សុភមង្គល​ឡើយ​។​
​៦. មាន​ភាព​អធ្យាស្រ័យ​ ៖ ​ត្រូវតែ​មាន​ចិត្ត​ទូលាយ អត់ឱន​ឲ្យ​អ្នកដទៃ ដែល​បាន​ធ្វើ​ខុស​ចំពោះ​យើង​។​
​៧. មាន​ភាព​ស្អាតបាត​ ៖ ​សំដៅ​ដល់​ស្អាត​ទាំង​កាយ ទាំង​ចិត្ត និង​ទាំង​ផ្ទះសំបែង​។​
​ដូចនេះ បើ​អ្នក​មាន​ចំនុច​ដូចខាងលើ អ្នក​នឹង​មាន​មនុស្ស​ប្រុស ដែល​ស្រលាញ់​អ្នក និង​គោរព​អ្នក​ជា​មិនខានឡើយ​៕

Ads

 
Top