ការមានផ្ទៃពោះ
គឺជាពេលវេលាដែលអស្ចារ្យ និងសុភមង្គលបំផុតសម្រាប់ស្វាមី។
ប៉ុន្តែ
នេះជារឿងមួយដែលធ្វើឲ្យស្វាមីភរិយាអាចនឹងមានអារម្មណ៏ខុស
ប្លែក ព្រោះនឹងក្លាយជាម្តាយឪពុករបស់គេនៅថ្ងៃខាងមុខ។
តើអ្នកត្រូវមើលថែភរិយាមានផ្ទៃពោះដោយរបៀបណា?
តើក្នុងនាមជាស្វាមីត្រូវមានតួនាទីធ្វើអ្វីខ្លះ?
អ្នកត្រូវចេះមើលថែភរិយារបស់អ្នកឲ្យបានច្រើនក្នុងពេលនេះ
ហើយតួនាទីជាស្វាមីពិតជាសំខាន់ណាស់ក្នុងការធ្វើជាឪពុក
ម្តាយដ៏ល្អសម្រាប់កូន។
ព្រោះការមានផ្ទៃពោះគឺជាពេលវេលាមួយដែលលំបាកបំផុតសម្រាប់ភ
រិយា
ដូច្នេះត្រូវធ្វើឲ្យនាងមានក្តីសុខក្នុងដំណាក់កាលមួយនេះនៃជីវិត
របស់នាង។
ចេះអត់ធ្មត់
ពេលមានផ្ទៃពោះ
គឺជាពេលមួយមានបំលាស់ប្តូរអរម៉ូនដែលកើតមានឡើងចំពោះភរិយារបស់
អ្នក។ អារម្មណ៏របស់នាងមានការផ្លាស់ប្តូររហូត
ជួនកាលព្រឹកអាចឈឺ ហើយល្ងាចអាចមានអាការៈចង់ក្អួតក៏មាន។
ដូច្នេះក្នុងនាមជាស្វាមីល្អត្រូវចេះអត់ធ្មត់នឹងបំលាស់ប្តូរ
រាងកាយរបស់នាង។
អប់រំខ្លួនឯង
បើទោះបីជាអ្នកមិនធ្លាប់បានឆ្លងកាត់ការមើលថែអ្នកមាន
ផ្ទៃពោះក៏ពិតមែន អ្នកនៅតែអាចព្យាយាមស្វែងយល់ពីវា
ដោយការអានឯកសារ បីរបៀបមើលថែអ្នកមានផ្ទៃពោះ។
យល់ពីរូបរាងនិងអារម្មណ៏របស់ភរិយា
ដោយការប្រមូលយកចំណេះដឹងអំពីការមានផ្ទៃពោះ។
ចេះផ្តល់ក្តីស្រឡាញ់និងធ្វើឲ្យភរិយារីករាយ
ពិតប្រាកដណាស់
ភរិយារបស់អ្នកនឹងមានក្តីព្រួយបារម្ភច្រើនអំពីការឈឺចាប់នៅពេល
សម្រាល, រូបរាងនិងសុខភាពរបស់នាងក្រោយពេលសម្រាលរួច។ ដូច្នេះ
ស្វាមីត្រូវចេះនិយាយលើកទឹកចិត្ត,
ផ្តល់ក្តីស្រឡាញ់និងឲ្យកម្លាំងចិត្តដល់នាង
ដើម្បីឲ្យនាងបានក្លាយជាអ្នកម្តាយដ៏អស្ចារ្យ។
កាត់បន្ថយភាពតានតឹងក្នុងចិត្តរបស់ភរិយា
ពេលមានផ្ទៃពោះជាពេលមួយដែលមានបំលាស់ប្តូររូបរាង
និងអារម្មណ៏ ខណៈនេះអ្នកត្រូវជួយឲ្យភរិយាបានសម្រាក។
ផ្តល់ទីកន្លែងសម្រាកដែលទូលាយសម្រាប់នាងគេង, ធ្វើការ និងគិត។
អ្នកម្តាយដែលមានភាពតានតឹងក្នុងចិត្តនឹងធ្វើឲ្យកូនក្នុងផ្ទៃ
មានសុខភាពមិនល្អ ដូច្នេះត្រូវមានការប្រុងប្រយ័ត្នឲ្យមែនទែន។
ជូនភរិយាទៅជួបនឹងវេជ្ជបណ្ឌិត
ការជូនភរិយាទៅពិនិត្យផ្ទៃពោះ
គឺជាតួនាទីយ៉ាងសំខាន់របស់ស្វាមី។ ការធ្វើបែបនេះ
អ្នកអាចទទួលព័ត៌មានល្អៗគ្រប់យ៉ាងពីវេជ្ជបណ្ឌិត។
ភរិយារបស់អ្នកនឹងមានភាពសប្បាយរីករាយដែលអ្នកតែងតែនៅជិតនាង។
ម៉ាស្សាឲ្យភរិយា
ការឈឺចាប់សាច់ដុំអាចធ្វើឲ្យភរិយាមានការពិបាក។ ដូច្នេះ
ព្យាយាមម៉ាស្សាឲ្យនាងដើម្បីព្យាបាលភាពឈឺចុកចាប់របស់នាង។
ក្តីស្រឡាញ់, ក្តីបារម្ភ
និងការមើលថែរបស់អ្នកនឹងធ្វើឲ្យអារម្មណ៏ភរិយាស្ថិតស្ថេរ។
ចេះជួយការងារភរិយា
វាពិតជាពិបាកសម្រាប់ភរិយាដើម្បីអាចគ្រប់គ្រងសកម្មភាពការងារ
ក្នុងផ្ទះទាំងអស់។ នាងកំពុងមានផ្ទៃពោះ
ហើយនឹងមិនអាចរៀបចំបានគ្រប់យ៉ាងនោះទេ នៅពេលនាងឈឺនៅពេលព្រឹក,
ចង់ក្អួត និងមានអ្វីផ្សេងៗទៀត។
ដូច្នេះស្វាមីត្រូវចេះជួយការងារបែបនេះដល់ភរិយា៕
ដោយ៖ ដារ៉ា
ប្រភព៖ បរទេស