បរិមាណសារធាតុពុលតិចនៅក្នុងអាហារមិនប៉ះពាល់ដល់សុខភាពភ្លាមៗនោះឡើយ។ ទោះបីជាយ៉ាងណាក៏ដោយ ប្រសិនបើនៅតែទទួលទានអាហារប្រភេទនេះ យូរៗទៅភាពគ្រោះថ្នាក់នឹងកាន់តែធ្ងន់ធ្ងរឡើងៗ។
សាច់ត្រីសមុទ្រ
សារធាតុពុលនៅក្នុងខ្លួនអ្នកទទួលទានត្រីសមុទ្រ ១សប្តាហ៏ម្តងមាន ៧.៤ ភាគរយ ខ្ពស់ជាងអ្នកទទួលទានត្រីសមុទ្រ ១ម្តងក្នុង ១ខែ។ ប្រភេទនៃត្រីសមុទ្រដូចជា៖ ត្រីធូណា, ត្រីស្បៃកា, ត្រីសាល់ម៉ុន, ត្រីសាឌីន…។ ប៉ុន្តែអ្នកវិទ្យាសាស្ត្របាននិយាយថា សារធាតុពុលមិនទាន់រលាយនៅក្នុងសាច់ត្រីសមុទ្រ ត្រូវបានគេជឿថា មានសុវត្ថិភាព យោងតាមការស្រាវជ្រាវបានបង្ហាញថា វាពិតជាមិនប៉ះពាល់ដល់សុខភាពឡើយ។
បាយ
អ្នកជំនាញស្រាវជ្រាវលោក Cottingham ដែលជាអ្នករៀបចំការសិក្សាមិនបានចង្អុលបង្ហាញឲ្យបានច្បាស់ពីទំនាក់ទំនងរវាងបរិមាណនៃសារធាតុពុល ដែលរាងកាយបានស្រូបពីបាយទេ ប៉ុន្តែការពិតគឺថា អ្នកដែលចូលរួមក្នុងការសិក្សានេះមិនទទួលទានបាយច្រើនទេ។ ហើយតាមរយៈការសិក្សាផ្សេងទៀត អ្នកជំនាញបាននិយាយថា អ្នកទទួលទានបាយកន្លះចានគោមក្នុង ១ថ្ងៃអាចមានសារធាតុពុលខ្ពស់។
សត្វមាន់ទា
សត្វមាន់ទាត្រូវបានមនុស្សឲ្យចំណីដែលផ្ទុកនូវកម្រិតសារធាតុពុលខ្ពស់ ងាយនឹងមានបរិមាណសារធាតុពុលច្រើននៅក្នុងសាច់។ អាហារនៅសហរដ្ឋអាមេរិច និងអ្នកគ្រប់គ្រងឱសថថ្មីៗនេះបានអះអាងថា សារធាតុពុលក្នុងអាហារមាន ៣/៤ ប៉ុន្តែអ្នកជំនាញជាច្រើនបានប៉ាន់ប្រមាណថា យ៉ាងហោចណាស់ត្រូវចំណាយពេល ១ឆ្នាំមុនពេលបញ្ឈប់ការឲ្យចំណីដែលមានសារធាតុពុលដល់សត្វមាន់ទា។ សារធាតុពុលអាចប៉ះពាល់ដល់សួត, ស្បែក, ពោះ, ប្លោកនោម, អរម៉ូនអឺសត្រូសែន និងតេសតូស្តេរ៉ូន ហើយក៏អាចប៉ះពាល់ដល់ប្រព័ន្ធរំលាយអាហារ និងមេតាប៉ូលីសផងដែរ៕
ដោយ៖ ដារ៉ា
ប្រភព៖ បរទេស