នេះប្រហែលជាភាពរន្ធត់មួយសម្រាប់មនុស្សមួយចំនួន ប៉ុន្តែត្រលប់មកវិញអ្នកដែលទទួលទានស្រា ឬភេសជ្ជៈដែលមានជាតិអាកុលនៅលើមូលដ្ធានមិនត្រឹមត្រូវ នឹងធ្វើឲ្យមានការប៉ះពាល់ដល់សួតរបស់ពួកគេ។ ដូច្នេះ អ្នកឯកទេស Ross Summer និងលោក Thomas Jefferson នៅសាកលវិទ្យាល័យសហរដ្ឋអាមេរិច រួមនឹងអ្នកស្រាវជ្រាវផ្សេងទៀតបានឲ្យដឹងថា យោងទៅតាមភស្តុតាងនៅក្នុងដៃ ការពិសាស្រាច្រើនអាចបំផ្លាញ់ដល់សួតរបស់បុគ្គលម្នាក់ៗ។ ជាងនេះទៅទៀត កាសែត Newswise បានបញ្ជាក់យ៉ាងជាក់លាក់ថា អ្នកដែលពិសាជាតិអាកុលច្រើន នឹងត្រូវបានគេធ្វើរោគវិនិច្ឆ័យថា មានជំងឺសួតដែរ។
បញ្ហាសម្រាប់ផ្លូវដង្ហើម ស្ថានភាពមួយបានសឲ្យឃើញពីសេចក្តីស្លាប់ ហើយមិនទាន់បានរកឃើញពីការព្យបាលនៅឡើយទេ។ ជំងឺរលាកសួតភាគច្រើនកើតឡើងចំពោះអ្នកដែលពិសាស្រាជាលក្ខណៈអាជីព។ អ្នកស្រាវជ្រាវ Ross Summer និងសហការីរបស់គាត់បានជឿថា ការពិសាស្រាច្រើនហួសហេតុអាចបង្កឲ្យមានការខូចខាតផ្នែករាងកាយ ដែលមិនអាចកែប្រែបាន ហើយធ្វើឲ្យសួតរបស់មនុស្សធ្វើការសាងសង់នូវជាតិខ្លាញ់ ពេលនោះប្រព័ន្ធភាពស៊ាំរបស់អ្នកនឹងមានការថយចុះ។
គេបានធ្វើការពិសោធន៏ទៅលើសត្វកណ្តុរ ហើយបានបង្ហាញឲ្យឃើញថា នៅពេលដែលសត្វកណ្តុរទាំងនេះផឹកជាតិអាកុលអស់រយះពេល ៣-៤ ថ្ងៃ។ បន្ទាប់ពីនោះវាធ្វើឲ្យផ្នែកខាងក្រៅនៃកោសិកា ចាប់ផ្តើមផលិតជាតិខ្លាញ់មែន។
អ្នកស្រាវជ្រាវ Ross Summer បាននិយាយនៅក្នុងសេចក្តីថ្លែងការណ៏មួយថា ការពិសាស្រាច្រើនមិនបានជួយអ្វីដល់អ្នកទេ ប៉ុន្តែវាថែមទាំងបំផ្លាញកោសិកានៅក្នុងសួតទៀតផង។
អ្នកឯកទេសនៅសាកលវិទ្យាល័យលោក Thomas Jefferson បានធ្វើអត្ថាធិប្បាយទៅលើការរកឃើញមួយថា ”ជាតិខ្លាញ់ដែលបានប្រមូលផ្តុំក្នុងសួតយូរៗទៅវានឹងធ្វើឲ្យប៉ះពាល់ថ្លើមរបស់អ្នក”។
ការរកឃើញរបស់អ្នកវិទ្យាសាស្ត្រត្រូវបានគេចាត់ទុកជាការពិត។ ប៉ុន្តែពួកគេនៅតែជជែកតវ៉ាគ្នាអំពីរឿងរ៉ាវដែលបានត្រិះរិះ។ ពួកគេមានបំណងចង់ដាក់ទ្រឹស្តីដែលបានបង្ហាញខាងលើទៅនឹងការធ្វើតេស្ត។
ការពិតទៅ ភាគរយនៃជំងឺសួតចំពោះអ្នកទទួលទានសុរាមានច្រើនជាងអ្នកមិនទទួលទាន។ តាមដែលអាចធ្វើទៅបានអ្នកអាចប្រើថ្នាំ ដើម្បីកាត់បន្ថយជំងឺរលាកសួត និងវឌ្ឍនភាពនៃបញ្ហាផ្លូវដង្ហើមដែលបណ្តាលមកពីការពិសាសុរា៕
ដោយ៖ យូរី
ប្រភព៖ បរទេស