ថ្ងៃពុធ ទី៤ ខែកុម្ភៈ ឆ្នាំ២០១៥ ម៉ោង ០០:៥៦
រាជធានីភ្នំពេញ៖បុរសជនជាតិចិនម្នាក់បានបើករថយន្តបុកក្បាលព្រួញថ្មពុះចែកទ្រូងផ្លូវបាក់អស់១កង់ នៅពេលជនជាតិចិនខាងលើនេះបើករថយន្តទាំងស្រវឹងងោកមួយភាំង ក៏រេចង្កូតបុកក្បាលព្រួញថ្មតែម្តង ។ហេតុការណ៍នេះបានកើតឡើងនៅវេលាម៉ោង១០និង៣០នាទីយប់ ថ្ងៃទី០៣ ខែកុម្ភៈ ឆ្នាំ២០១៥ តាមបណ្តោយផ្លូវ២០០៤ ក្នុងសង្កាត់ទឹកថ្លា ខណ្ឌសែនសុខ នៅមុខស្រី ពេជ្រលក់ភេសជ្ជៈនិងអង្ករ ។
សមត្ថកិច្ចចរាចរណ៍ដែលចុះទៅដល់កន្លែងកើតហេតុបានឲ្យដឹងថាបុរសជនជាតិចិនខាងលើបើកបរទាំងស្ថានភាពស្រវឹង ទំនងជាងោក ទើបរេចង្កូតទៅបុកក្បាលព្រួញថ្មពុះចែកទ្រូងផ្លូវតែម្តង ។សមត្ថកិច្ចបានបន្តថាមុនពេលកើតហេតុជនជាតិចិនខាងលើជិះរថយន្តព្រូស ធ្វើដំណើរតាមបណ្តោយផ្លូវ២០០៤ ក្នុងទិសដៅពីកើតទៅលិច ស្រាប់តែមកដល់ចំណុចកើតហេតុខាងលើ ក៏រេចង្កូតជ្រុលទៅបុកក្បាលព្រួញថ្មពុះចែកទ្រូងផ្លូវ បណ្តាលឲ្យបាក់១កង់ ។
ចំណែករថយន្តដាច់កាឡេមុខខាងឆ្វេង រីឯអ្នកបើកបរមិនបណ្តាលឲ្យរងរបួសនោះទេ ៕
- ប្រភព៖ កោះសន្តិភាព