ជំហានទី១
ត្រូវចេះគិត ចេះថែរក្សាមនុស្សដែលយើងស្រលាញ់។ ប្រសិនបើគេជួបនឹងបញ្ហា ត្រូវចេះជួយដោះស្រាយបញ្ហាគ្នា។ ប្រសិនបើគេសប្បាយរីករាយ ត្រូវចេះរីករាយជាមួយគេ។ ប្រសិនបើគេក្រៀមក្រំ ត្រូវដាក់ស្មាឲ្យគេកើយដើម្បីយំបញ្ចេញនូវភាពហ្មងសៅ។
ជំហានទី២
ត្រូវចំណាយពេលវេលាឲ្យបានច្រើនជាមួយគ្នា។ ប្រសិនបើអ្នកប្រាកដជាក់ថាជាមិត្តប្រុស ឬមិត្តស្រីល្អម្នាក់មែន ត្រូវការចំណាយពេលដើម្បីញ៉ាំកាហ្វេជាមួយគ្នា បបួលគ្នាដើរលេង ឬក៏ហៅគេទៅលេងផ្ទះរបស់អ្នក។ ភាពដែលអាចទៅបាននោះគឺគ្មានទីបញ្ចប់ ត្រូវប្រាកដថាអ្នកស្គាល់គ្នាច្បាស់គ្រប់គ្រាន់ ដើម្បីមានផាសុកភាពក្នុងការសន្ទនាដ៏ជ្រាលជ្រៅជាមួយគ្នានិងចែករំលែកពិភពលោកជាមួយនឹងគេ មិន ត្រូវឲ្យគេចាកចេញពីអ្នកដោយសារតែចំណង់ខ្លាំង និងចំណាប់អារម្មណ៏ភ្លាមៗនោះទេ។
ជំហានទី៣
ត្រូវចេះជួយគេ ប្រសិនបើគេកំពុងតែស្វះស្វែងក្នុងមុខវិជ្ជារបស់គេនៅសាលា ត្រូវផ្តល់ជាប្រធានបទពីរបីឲ្យគេ។ ប្រសិនបើគេមានវិបត្តិតិចតួចក្នុងការងារត្រូវឲ្យគេទុកចិត្តលើអ្នក ប្រសិនបើគេមានបញ្ហាជាមួយនឹងគ្រួសារ ឬមិត្តភក្តិត្រូវផ្តល់នូវដំបូន្មានល្អៗ និង ហេតុផលសមរម្យដល់គេ។ អ្វីដែលសំខាន់ជាងនោះគឺការព្រួយបារម្ភចំពោះគេ។
ជំហានទី៤
សើចជាមួយគ្នា និយាយរឿងកំប្លែងខ្លីៗឲ្យគេស្តាប់ ឬផ្តល់គំនិត បង្ហាញឲ្យគេឃើញថាអ្នកជាមនុស្សពិតប្រាកដដែលអាចកំដរគេគ្រប់កាលៈទេសៈទាំងអស់។
ជំហានទី៥
ការប្រាស្រ័យមើលភ្នែកគ្នាជាការសម្រេចលើវាសនារបស់អ្នក។ ត្រូវសម្លឹងមើលភ្នែកគេឲ្យបានច្រើន។ អាចនិយាយបានថាជាផ្លូវមួយដែលអាចចូលទៅកាន់អារម្មណ៏របស់គេ ដោយឆ្លងកាត់ភ្នែករបស់គេ។
ជំហានទី៦
ប្រសិនបើអ្នកទាំងពីរក្លាយជាស្និទស្នាលនឹង ហើយស្រលាញ់គ្នាទៅវិញទៅមក បារម្ភពីគ្នា ស្មោះត្រង់នឹងគ្នា ជៀសវាងកុំធ្វើឲ្យមានជម្លោះនឹងគ្នា ទោះបីជាវាងាយនឹងកើតឡើងក៏ដោយ កុំលាក់លៀមនឹងគ្នា ត្រូវមើលថាគេល្អនឹងអ្នកជានិច្ច។ គោរពគ្នាទៅវិញទៅមក ជាពិសេសបុរសត្រូវគោរពស្ត្រីដោយសេចក្តីស្រលាញ់ជានិច្ច៕
ដោយ៖ មង្គលការ