អ៊ិនធឺណែត
គឺជាកន្លែងដែលអាចឲ្យយើងទទួលបានព័ត៌មានដែលយើងចង់បាន។
ប៉ុន្តែត្រូវចាំថា មានមនុស្សជាច្រើនប្រើប្រាស់អ៊ីនធឺណែតចុះឡើងៗ
ហើយអាចយកព័ត៌មានរបស់អ្នកបាន
ជាពិសេសព័ត៌មានផ្ទាល់ខ្លួនរបស់អ្នក។
អ្នកគួរមានការប្រុងប្រយ័ត្ននឹងអ្វីដែលអ្នកបានដាក់
លើអ៊ិនធឺណែត។ នៅក្នុងបណ្តាញសង្គមដូចជា៖ ហ្វេសប៊ុក និង Twitter
សុទ្ធតែជាវ៉ិបសាយត្រូវប្រើព័ត៌មានផ្ទាល់ខ្លួនរបស់អ្នក។
ហើយពួកវាក៏ជាកន្លែងអាចឲ្យអ្នកចែករំលែករូបភាព, គំនិត និងយោបល់។
នៅក្នុងករណីខ្លះ
ការចែករំលែកព័ត៌មានអាចធ្វើឲ្យអ្នកជួបនឹងគ្រោះថ្នាក់។
អ្នកគួរតែយល់ពីរឿងរ៉ាវមួយចំនួនដែលអ្នកមិនគួរលាតត្រដាងនៅ
លើអ៊ិនធឺណែត។
មានករណីជាច្រើនដែលធ្វើឲ្យមនុស្សត្រូវបាត់បង់ការងារ
ដោយសារតែពួកគេបានបង្ហោះរូបដើរលេងសប្បាយប៉ោឡែជាដើម។
ត្រូវមានការប្រុងប្រយ័ត្នក្នុងពេលប្រើប្រាស់បច្ចេកវិទ្យា
និងរីករាយជាមួយសង្គមមួយនេះ។
ថ្វីត្បិតតែសព្វថ្ងៃនេះមនុស្សជាច្រើនត្រូវការអ៊ីនធើណែតចាំ
បាច់បំផុត ដើម្បីធ្វើការទំនាក់ទំនងគ្នា
ប៉ុន្តែអ្នកត្រូវការដឹងថា
មានរឿងជាច្រើនដែលមិនគួរលាតត្រដាងនៅលើអ៊ិនធឺណែត។
ការសន្ទនាពីរឿងផ្ទាល់ខ្លួន
ត្រូវប្រាកដថា ការសន្ទនាពីរឿងផ្ទាល់ខ្លួនជាមួយអ្នកណាៗ
ត្រូវរក្សាជាលក្ខណៈឯកជន។ ហើយរឿងដែលសំខាន់ដូចគ្នា
គឺការសន្ទនាគ្នាតាមរយៈការប្រើអ៊ីម៉ែល។
ពេញចិត្តនឹងការជជែកគ្នាតាមរយៈបណ្តាញទំនាក់ទំនងផ្សេងៗទៀត
តែត្រូវប្រាកដថា មិនបានចែករំលែកព័ត៌មានទាំងអស់នោះ។
គេហទំព័រផ្សាភ្ជាប់ទំនាក់ទំនង
ព្យាយាមគេចចេញពីរឿងនេះ ដើម្បីធានាសុវត្ថិភាពលើអ៊ីនធឺណែត។
ត្រូវប្រុងប្រយ័ត្នជាមួយនឹងមិត្តភក្តិរបស់អ្នក
ហើយត្រូវគិតទ្វេដងមុននឹងសម្រេចចិត្តបង្ហោះរូបអ្នកនៅលើបណ្តាញ
សង្គម ឬអ៊ិនធឺណែត។
រឿងប្រភេទទាំងអស់នេះអាចធ្វើឲ្យអ្នកជួបនឹងបញ្ហាគ្រប់ពេល។
ព័ត៌មានក្រុមហ៊ុន
នេះជារឿងមួយដែលអ្នកមិនគួរលាតត្រដាងនៅលើអ៊ីនធឺណែត។ ការងារ
និងជីវិតផ្ទាល់ខ្លួនគួរតែជារឿង ២ផ្សេងគ្នាទាំងស្រុង។
គ្មានភាពចាំបាច់អ្វីត្រូវបង្ហោះរូបការប្រជុំ
ឬព័ត៌មានផ្សេងពីការិយាល័យរបស់អ្នកទៅលើបណ្តាញសង្គមឡើយ។
រូបភាពកូនៗ
ការបង្ហោះរូបស្វាមីភរិយា និងកូនៗពិតជាប្រសើរ
ដើម្បីចែករំលែកជាមួយនឹងក្រុមមិត្តភក្តិ ព្រមទាំងសាច់ញាតិ។
ប៉ុន្តែអ្នកគួរចងចាំក្នុងចិត្តថា
នៅពេលអ្នកឲ្យមនុស្សគ្រប់រូបអាចមើលឃើញរូបភាពនេះ
អាចប៉ះពាល់ដល់សុវត្ថិភាពខ្លួនអ្នក និងកូនៗរបស់អ្នកបាន។
អ្នកមិនគួរបង្ហាញសេចក្តីលម្អិតពីគ្រួសាររបស់អ្នកលើអ៊ីនធឺណែតឡើយ។
អាស័យដ្ឋាន និងលេខទូរស័ព្ទ
នេះជាភាពគ្រោះថ្នាក់យ៉ាងពិតប្រាកដ។
នៅពេលអ្នកផ្តល់ព័ត៌មានទាំងនេះ បានន័យថា
អ្នកក៏បានផ្តល់ឱកាសដល់ចោរប្លន់ និងចោរលួចផងដែរ។
កុំឆ្កួតនឹងការលាតត្រដាងព័ត៌មានផ្ទាល់ខ្លួនឲ្យគេបានឃើញ។
ការផ្តល់ព័ត៌មានបែបនេះក៏អាចធ្វើឲ្យមុខជំនួញរបស់អ្នកជួប
នឹងហានិភ័យផងដែរ។
ព័ត៌មានហិរញ្ញវត្ថុផ្ទាល់ខ្លួន
ជួនកាលគ្រាន់តែ Comment នៅលើ Wall
របស់អ្នកក៏អាចបណ្តាលឲ្យមានបញ្ហាច្រើនដែរ។ ព័ត៌មានលម្អិតពីធនាគារ
ឬរូបិយប័ណ្ណមិនគួរជាបញ្ហាដល់ការពិភាក្សាជាសាធារណៈឡើយ។
អ្នកមិនគួរលាតត្រដាងព័ត៌មានហិរញ្ញវត្ថុរបស់អ្នកនៅលើអ៊ិនធឺណែតទេ៕
ដោយ៖ ដារ៉ា
ប្រភពៈមង្គលការ