តាមពិតស្ពៃក្តោបមានអត្ថប្រយោជន៍ខ្លាំងណាស់ចំពោះសុខភាព ប៉ុន្តែចំពោះអ្នកមួយចំនួនដែលមានជំងឺដូចជា៖ ពពក, ក្រពេញទីរ៉ីអ៊ីតមិនប្រក្រតី, តម្រងនោម... មិនគួរទទួលទាននោះឡើយ។ ដូច្នេះដើម្បីកាន់តែយល់ពីហេតុផលនេះច្បាស់លាស់ ស្វែងយល់ពីអត្ថបទដូចខាងក្រោម៖
អ្វីទៅជាស្ពៃក្តោប?
វេជ្ជបណ្ឌិតផ្នែកសុខភាព និងជីវិត លោក Nguyen Thi Nga បានមានប្រសាសន៏ថា៖ ស្ពៃក្តោប គឺជាបន្លែដែលគេពេញនិយមនៅក្នុងរដូវសរទររដូវ (រដូវស្លឹកឈើជ្រុះ) ឬរដូវរងារ។ ស្ពៃក្តោបមិនត្រឹមតែសម្បូរសារធាតុចិញ្ចឹមប៉ុណ្ណោះទេ តែថែមទាំងអាចជួយព្យាបាលជំងឺបានច្រើនប្រភេទទៀតផង។ ជាពិសេស កម្រិតនៃវីតាមីនមាននៅក្នុងស្ពៃក្តោបខ្ពស់ជាងវីតាមីនមាននៅក្នុងបន្លែមើមដូចជា៖ ការ៉ុត, ដំឡូងបារាំង, ខ្ទឹមបារាំង។ យោងតាមការសិក្សាបានឲ្យដឹងថា វីតាមីន A និងវីតាមីន P នៅក្នុងស្ពៃក្តោប អាចជួយទ្រទ្រង់ដល់បំពង់សរសៃឈាម។ នៅក្នុងស្ពៃក្តោបក៏មានផ្ទុកនូវភ្នាក់ងារប្រឆាំងនឹងជំងឺមហារីកផងដែរ។
យោងតាមផ្នែកឱសថបុរាណបានឲ្យដឹងថា ស្ពៃក្តោបផ្អែម, ងាយរំលាយ, គ្មានសារធាតុពុល, សម្រួលដល់ឈាម, ជួយឲ្យឈាមត្រជាក់, ត្រជាក់ក្នុងពោះ, ជួយកម្ចាត់ជាតិពុល, បញ្ចុះទឹកនោម។ ហើយស្ពៃក្តោបក៏អាចជួយប្រយុទ្ធប្រឆាំងនឹងភាពល្ហិតល្ហៃ, ជំងឺមហារីក, ជំងឺក្រពះពោះវៀន និងជំងឺផ្សេងៗជាច្រើនទៀត។
តើអ្នកដែលមិនត្រូវទទួលទានស្ពៃក្តោប?
អ្នកមានជំងឺពកក
យោងតាមព័ត៌មាននៅលើវ៉ិបសាយ Dinhduong.com បានបង្ហាញថា ស្ពៃក្តោបមានផ្ទុកនូវបរិមាណសារធាតុធ្វើឲ្យ ពកក តិចតួច។ សារធាតុនេះអាចប្រយុទ្ធប្រឆាំងនឹងអុកស៊ីតកម្មយ៉ាងមានប្រសិទ្ធិភាព ប៉ុន្តែអាចបណ្តាលឲ្យពកក។ ដូច្នេះ អ្នកដែលមានជំងឺពកក គួរតែចៀសវាងការទទួលទានស្ពៃក្តោប ព្រោះវាបណ្តាលឲ្យពកក កាន់តែធំឡើងៗ។ អ្នកជំងឺប្រភេទនេះ គួរតែទទួលទានស្ពៃក្តោបក្នុងបរិមាណល្មម ហើយមុនពេលទទួលទានគួរកាត់ស្លឹកវាចេញ លាងឲ្យបានស្អាតរួច ហាន់វាហើយចាក់ទឹកខ្មេះចូល ទុករយៈពេលប្រហែល ១០-១៥ នាទី ដើម្បីឲ្យសារធាតុដែលធ្វើឲ្យ ពកក ត្រូវរលាយអស់។
អ្នកមានជំងឺតម្រងនោម
លើសពីនេះទៀត ចំពោះអ្នកខ្សោយតម្រងនោមក៏មិនគួរទទួលទានស្ពៃក្តោបនេះដែរ។
អ្នកមានជំងឺទល់លាមក នោមទាស់
ចំពោះអ្នកកើតជំងឺទល់លាមក នោមទាស់ មិនគួរទទួលស្ពៃក្តោបឆៅ ឬស្ពៃក្តោបជ្រក់ឡើយ។
អ្នកមានបញ្ហាក្រពះ ពោះវៀន
ស្ពៃក្តោបជាប្រភេទបន្លែផ្ទុកនូវជាតិសរសៃច្រើន ផ្តល់អត្ថប្រយោជន៏ដល់សុខភាព។ តែទោះបីជាយ៉ាងណាក៏ដោយ វាងាយនឹងបង្កើតជាតិហ្គាស ធ្វើឲ្យហើមពោះនៅពេលអ្នកទទួលទានទាំងឆៅ។ ដូច្នេះ ចំពោះអ្នកមានបញ្ហាក្រពះ ពោះវៀន យល់ល្អគួរចម្អិនស្ពៃក្តោប មុននឹងទទួលទាន៕
ដោយ៖ ដារ៉ា
ប្រភព៖ បរទេស