ការកំសាន្តផ្សេងៗដូចជា ចង់មានអារម្មណ៏រំភើប រីករាយ ភ្លើតភ្លើនចង់ស្វែងរកសុភមង្គលក្នុងផ្លូវអារម្មណ៏ បន្ធូរបន្ធយភាពតានតឹង និងសាកល្បងរកអារម្មណ៏ថ្មីប្លែកឲ្យកាន់តែអណ្តែតអណ្តូង នេះហើយជាចំណងដំបូងដែលជម្រុញឲ្យមានការជក់កញ្ឆា ឬគ្រឿងញៀន។ មនុស្សជាច្រើនធ្លាប់បានដឹង ហើយធ្លាប់បានលឺ ពីផលប៉ះពាល់នៃការញៀនកញ្ឆានេះ ប៉ុន្តេមានអ្នកមួយចំនួននៅតែប្រព្រឹត្តទៀត។ នៅក្នុងពិភពលោកយើងនេះមានមនុស្សមិនតិចជាង ២០លាននាក់ទេ ដែលញៀននឹងការជក់កញ្ឆានេះ។
១ខ្សឺត ២ខ្សឺតដំបូង បានធ្វើឲ្យអ្នកជក់ជួបនឹងសេចក្តីសុខសប្បាយមែន ប៉ុន្តែនៅពេលដែលអារម្មណ៏រីករាយ សិប្បនិមិត្តនោះរសាត់បាត់ទៅ តើនឹងមានអ្វីបន្សល់ទុកនៅក្នុងខ្លួនយើង? ពិតជាមាន នោះគឺភាពញៀនភាពត្រូវការដែលមិនអាចខ្វះបាន។ កញ្ឆាគឹជាប្រភេទគ្រឿងញៀនម្យ៉ាង ដែលច្បាប់អន្តរជាតិចាត់ទុកជាគ្រឿងញៀនខ្សោយតាំងពីសតវត្សទី ២០ មក ជាហេតុធ្វើឲ្យគេមិនសូវចាប់អារម្មណ៏ខ្លាំងអំពីគ្រោះថ្នាក់នៃការជក់វាទេ។ ក៏ប៉ុន្តែកញ្ឆាអាចបង្កផលវិបាកយ៉ាងខ្លាំងដល់សុខភាព។ កាន់តែចាប់ផ្តើមជក់កាន់តែមានគ្រោះថ្នាក់ខ្លាំង។
ពាក្យថាខ្សោយក៏ព្រោះតែកញ្ឆាមានប្រតិកម្មយឺតប៉ុណ្ណោះ ប៉ុន្តែនៅពេលដែលជ្រៀតចូលទៅដល់សារពាង្គកាយមនុស្សយើងហើយ មនុស្សនោះត្រូវការពេលវេលាយូរណាស់សម្រាប់បន្សោបការញៀនកញ្ឆានេះវិញ។
បើតាមប្រសាសន៏របស់លោកវេជ្ជបណ្ឌិត Costangtang បណ្ឌិតនៅប្រទេសបារាំងបានឲ្យដឹងថា សារធាតុសកម្មរបស់កញ្ឆាចូលទៅដល់ខួរក្បាលវានឹងធ្វើការវិវត្តន៏ឥទ្ធិពលពិសេសរបស់វា។ សារធាតុដែលបានចូលទៅក្នុងខួរក្បាលវាមិនរលាយ ឬបំផ្លាញចេញមកវិញទេ ប៉ុន្តែវារលាយចូលទៅក្នុងខួរក្បាល ហើយវាសំងំបញ្ចេញឥទ្ធិពលជារៀងរាល់ថ្ងៃ។ កញ្ឆាមិនមែនជាគ្រឿងញៀនខ្សោយធម្មតាទេ គ្រាន់តែវាមានសកម្មភាពយឺតដែលជាហេតុធ្វើឲ្យអ្នកជក់វ័យក្មេងញៀនកាន់តែខ្លាំងឡើង។
ឥទ្ធិពលដែលបង្កឡើងដោយកញ្ឆាមិនមែនជាគ្រោះថ្នាក់ស្រាល សាមញ្ញធម្មតាដូចដែលគ្រប់គ្នាគិតនោះទេ ពេលខ្លះកញ្ឆាផ្តល់គ្រោះមហន្តរាយយ៉ាងខ្លាំងចំពោះសុខភាព និងសង្គម។ មិន
ខុសពីផ្សែងបារីទេ ផ្សែងកញ្ឆាក៏មានបង្កប់នូវសារធាតុពលពីធម្មជាតិងាយបង្កជំងឺមហាររីក។
អ្នកអាចកត់សម្គាល់ ចំពោះអ្នកដែលជក់កញ្ឆាតារយៈ៖ ភ្នែកក្រហម ជីពចរដើរញាប់ សម្ពាធឈាមកើនឡើង ស្ងួតមាត់ និងក្អួតចង្អោរ។ ការជក់កញ្ឆាភាគច្រើន គឺប៉ះពាល់ទៅលើសួត ដូច្នេះអ្នកជក់កញ្ឆាមានជំងឺមហាររីកសួតច្រើនជាង ១០ដង នៃអ្នកជក់បារី ហើយអ្នកជក់បារីមានជំងឺមហាររីកសួតច្រើនជាង ១០ដង នៃមនុស្សធម្មតា។ មិនតែប៉ុណ្ណោះកញ្ឆាធ្វើឲ្យប្រពន្ធ័ការពាររាង្គកាយមានការថយចុះ និងធ្វើឲ្យលទ្ធភាពនៃការបន្តពូជថយចុះដែរ។ បើសិនជាមនុស្សប្រុស គឺធ្វើឲ្យពងស្វាសខ្សោយ បើពងស្វាសខ្សោយការផលិតស្ពែម៉ាតូសូអ៊ីតក៏ថយចុះដែរ។ បើសិនជាមនុស្សស្រីវិញ គឺធ្វើឲ្យអូវែខ្សោយ អូវែខ្សោយធ្វើឲ្យប៉ះពាល់ដល់ការផលិតអូវុល។ ជាតិញៀនទាំងអស់ទោះយើងប្រើតាមមធ្យោបាយណាក៏ដោយក៏ត្រូវជ្រៀតចូលទៅក្នុខ្លួនតាមរយៈសរសៃឈាមដែរ។
ដូច្នេះគ្រាប់ឈាម ឬក៏ឈាមវាបញ្ជូនសារធាតុ PHP ទៅគ្រប់ទីកន្លែង ជាពិសេស PHP វាអាចឆ្លងកាត់របាំងខួរ ហើយជ្រៀតចូលទៅដល់ប្រព័ន្ធសរសៃប្រសាទដែលធ្វើឲ្យប្រព័ន្ធប្រសាទបញ្ចេញជាតិគីមីផ្សេងៗ ដែលមានឥទ្ធិពលទៅអារម្មណ៏៕
ដោយ៖ យូរី
ប្រភព៖ បរទេស