ជីវិត
អាពាហ៏ពិពាហ៏ជារឿងមួយដ៏សំខាន់ណាស់
ប៉ុន្តែរាល់ជីវិតអាពាហ៏ពិពាហ៏ទាំងអស់តែងតែមានបញ្ហាតិចតួចកើតឡើង
ជៀសមិនផុតឡើយ។ ហេតុនេះហើយអ្នកចេះដោះស្រាយឲ្យបានល្អ
កុំឲ្យបញ្ហាតូចតាចនេះត្រូវរលត់ទៅវិញ
ឬចង់កើតមានបញ្ហាកាន់តែធំៗ។
រាល់បញ្ហាតូចៗ នៅពេលមិនបានដោះស្រាយឲ្យអស់
យូរៗទៅអាចបណ្តាលឲ្យទំនាក់ទំនងស្នេហាត្រូវបែកបាក់។
ការលែងលះគឺជាសេចក្តីបញ្ចប់នៃជីវិតអាពាហ៏ពិពាហ៏
ហើយហេតុផលបណ្តាលមកពីករណីភាគច្រើន
មិនចេះដោះស្រាយបញ្ហាតូចៗឲ្យបានល្អដែរ។
ការបោកប្រាស់គឺជាហេតុផលមួយដែលធ្វើឲ្យជីវិតអាពាហ៏ពិពាហ៏
ត្រូវបញ្ចប់ភ្លាមៗ ប៉ុន្តែ
មានរឿងរ៉ាវជាច្រើនទៀតដែលធ្វើឲ្យទំនាក់ទំនងស្នេហារបស់អ្នកត្រូវ
បញ្ចប់។ រឿងរ៉ាវទាំងនេះអាចជាអ្វីមួយដែលអ្នកនិយាយ ឬមិនបានធ្វើ
ដែលនាំឲ្យមានការពិបាក
ហើយទីបំផុតត្រូវបែកបាក់ទំនាក់ទំនងស្នេហា។
ការលែងលះមិនមែនជារឿងល្អឡើយ
ហើយអ្នកប្រហែលជាចង់ការពាររឿងបែបនេះកុំឲ្យកើតឡើង។
សម្រាប់ហេតុផលនេះ
អ្នកត្រូវដឹងពីមូលហេតុដែលបណ្តាលឲ្យជីវិតអាពាហ៏ពិពាហ៏ត្រូវបញ្ចប់
,
និងរឿងអ្វីខ្លះដែលអ្នកមិនគួរធ្វើដើម្បីរក្សាទំនាក់ទំនងស្នេហា
ឲ្យបានល្អ។
ខាងក្រោមនេះជារឿងរ៉ាវ ១០យ៉ាងដែលនឹងធ្វើឲ្យជីវិតអាពាហ៏ពិពាហ៏ត្រូវបញ្ចប់៖
គ្មានការទំនាក់ទំនង ឬទំនាក់ទំនងមានព្រំដែន
ទំនាក់ទំនង គឺជាផ្នែកមួយយ៉ាងសំខាន់ចំពោះរឿងស្នេហា។
នៅពេលអ្នកបញ្ឈប់ទំនាក់ទំនងជាមួយនឹងស្វាមីភរិយា
វានឹងធ្វើឲ្យអ្នកទាំង២កាន់តែមានគម្លាតឆ្ងាយពីគ្នា
ពីព្រោះអ្នកមិនបានប្រាប់ពីអារម្មណ៏
ឬបញ្ហាដែលកើតមានក្នុងទំនាក់ទំនងស្នេហារបស់អ្នក។
នៅក្នុងទំនាក់ទំនងស្នេហា ប្រសិនណាគ្មានទំនាក់ទំនងនឹងគ្នាទេ
នោះនឹងគ្មានថ្ងៃអនាគតឡើយ។
ការគ្រប់គ្រងហិរញ្ញវត្ថុ
ជីវិតអាពាហ៏ពិពាហ៏ភាគច្រើនបានបញ្ចប់ដោយសារតែបញ្ហាហិរញ្ញវត្ថុ ហើយធ្វើឲ្យជម្លោះកើតមានដោយសារតែហិរញ្ញវត្ថុ។
ខ្វះទំនុកចិត្ត
ប្រសិនបើមនុស្ស២នាក់គ្មានទំនុកចិត្តលើគ្នាទៅវិញទៅមកទេ
នេះអាចជាសញ្ញាមួយបញ្ជាក់ថាជាទំនាក់ទំនងស្នេហាអន់ខ្សោយ។
ទំនាក់ទំនងស្នេហាដែលគ្មានទំនុកចិត្តលើគ្នា
នឹងមិនអាចបានយូរឡើយ។
ការបង្ខិតបង្ខំ
អ្នកត្រូវយល់ថា អ្នកទាំង២ជាបុគ្គលផ្សេងគ្នា ហើយការគិត
និងទម្លាប់ពិតជាខុសឆ្ងាយពីគ្នាដាច់។
នៅពេលមានអ្វីមួយផ្លាស់ប្តូរ
ពិតជាមានអ្វីផ្សេងទៀតមិនផ្លាស់ប្តូរ។
ប្រសិនបើអ្នកនៅតែបង្ខំឲ្យស្វាមី ឬភរិយាមានទម្លាប់
និងគំនិតដូចអ្នកដែរ នោះគេនឹងមិនចង់នៅក្បែរអ្នកទៀតឡើយ។
តម្រូវការច្រើនពេក
ប្រសិនបើអ្នកមានតម្រូវការច្រើនពីដៃគូរបស់អ្នក
វានឹងបណ្តាលឲ្យជម្លោះកើតឡើងភ្លាម
ហើយទីបំផុតធ្វើឲ្យស្នេហារបស់អ្នកត្រូវធ្លាក់ចុះ។
វាពិតជាល្អហើយដែលអ្នកមានតម្រូវការ
ប៉ុន្តែប្រសិនបើតម្រូវការទាំងអស់នោះមិនបានសម្រេច
អ្នកមិនគួរបង្កើតជាបញ្ហាឡើយ។
ការយល់ពីតម្រូវការរបស់អ្នក
ករណីមួយចំនួន ស្វាមី
ឬភរិយារបស់អ្នកមិនបានដឹងពីតម្រូវការនិងការចង់បានរបស់អ្នក
ធ្វើឲ្យពួកគេមិនអាចមានសមត្ថភាពបន្ថែមដើម្បីបំពេញវា។
នេះជាហេតុផលដែលធ្វើឲ្យស្នេហាអ្នកត្រូវបែកបាក់។
បញ្ហាដែលកើតឡើង
ចំណុចមួយដែលអ្នកមិនឯកភាពពិតជាមានច្រើនលើកច្រើនសារ។
ប៉ុន្តែ ប្រសិនបើរឿងបែបនេះកើតឡើងជារឿយៗ
ហើយមិនបានសម្រុះសម្រួលគ្នាទេ
ទីបំផុតអាចបណ្តាលឲ្យជីវិតអាពាហ៏ពិពាហ៏របស់អ្នកត្រូវបានបញ្ចប់។
ការច្រណែន
ភាពគ្មានទំនុកចិត្តនៅថ្ងៃដំបូង គួរតែបញ្ឈប់ឲ្យបាន។
ប៉ុន្តែប្រសិនបើមិនដូច្នេះទេ ហើយការច្រណែននៅតែបន្ត
នោះវាអាចធ្វើឲ្យស្នេហារបស់អ្នកនឹងត្រូវចែកផ្លូវគ្នា។
វប្បធម៌ និងសាសនាខុសគ្នា
ដំបូងឡើយ ភាពខុសគ្នាបែបនេះពិតជាគ្មានបញ្ហាអ្វីឡើយ
ប៉ុន្តែនៅពេលពួកគេមានការបង្ខិតបង្ខំ ឲ្យបោះបង់ជំនឿផ្ទាល់ខ្លួន
វាអាចជាហេតុផលមួយធ្វើឲ្យលែងលះគ្នា។
ការរំលោភបំពាន
ការរំលោភបំពានលើរាងកាយ
ឬផ្លូវចិត្តញឹកញាប់អាចបណ្តាលឲ្យជីវិតអាពាហ៏ពិពាហ៏នឹងត្រូវបញ្ចប់
។ ត្រូវទំនាក់ទំនងទៅមិត្តភក្តិ ឬគ្រួសារ
ហើយត្រូវដកខ្លួនរបស់អ្នកចេញពីស្ថានភាពបែបនេះភ្លាមៗ៕
ដោយ៖ ដារ៉ា
ប្រភព៖ boldsky