តើអ្នកធ្លាប់
ឆ្ងល់ទេថា ចំណុចណាខ្លះរបស់មនុស្សស្រី ដែលប្រុសៗសម្លឹងមើលមុនគេ?
មនុស្សប្រុសមិនពិបាកយល់នោះទេ នៅពេលពួកគេចង់បានមនុស្សស្រី
ពួកគេតែងតែសម្លឹងមើលមនុស្សស្រីនោះមិនដាក់ភ្នែកពេលបានណាត់ជួប
នាង។ ខាងក្រោមនេះជាចំណុចដែលគួរឲចាប់អារម្មណ៏
និងគួរឲភ្ញាក់ផ្អើលមួយចំនួនដែលមនុស្សប្រុសសម្លឹងមើលមនុស្សស្រី
មុនគេ៖
១. ស្នាមញញឹម
ស្នាមញញឹមដ៏ស្រស់ស្អាតជាចំណុចមួយដែលមនុស្សប្រុសសម្លឹងមើល
ខ្លាំងបំផុតទៅលើមនុស្សស្រី។
ស្នាមញញឹមរបស់មនុស្សស្រីត្រូវបានគេគិតថា
ជាភាពទាក់ទាញយ៉ាងខ្លាំង និងជាភាពដែលអាចនៅក្បែរបាន។
ស្នាមញញឹមរបស់នាងជាសញ្ញានៃសុភមង្គល និងសុទិដ្ឋិនិយម។ ដូច្នេះ
វាកាន់តែមានភាពងាយស្រួលដើម្បីចាប់ផ្តើមសន្ទនាជាមួយនឹងនាង។
វាពិតជាគ្មានអ្វីគួរឲភ្ញាក់ផ្អើលឡើយ
ដែលមនុស្សគ្រប់រូបចូលចិត្តសម្លឹងមើលស្នាមញញឹមដ៏ស្រស់ស្អាតរបស់
មនុស្សម្នាក់។ ប៉ុន្តែមនុស្សប្រុសតែងតែមានទំនុកចិត្ត
និងកាន់តែមានភាពជាបុរសនៅពេលបានជួបនឹងស្នាមញញឹមរបស់មនុស្ស
ស្រី។ លើសពីនេះទៀត ស្នាមញញឹមជាភាពទាក់ទាញយ៉ាងខ្លាំង
នៅពេលអ្នកញញឹមដាក់អ្នកណាម្នាក់ ស្នាមញញឹមនោះនឹងត្រលប់មកវិញ។
តាមការសិក្សាជាច្រើនបានបង្ហាញថា
ស្នាមញញឹមជួយជម្រុញដល់ប្រតិកម្មវិជ្ជមាន។
នៅពេលមនុស្សប្រុសជួបនឹងមនុស្សស្រីដំបូងគាត់សម្លឹងមើលស្នាមញញឹម
ដ៏អស្ចារ្យ និងស្រស់ស្អាតរបស់នាង។ ដូច្នេះ
អ្នកគួរតែញញឹមនៅពេលអ្នកមានអារម្មណ៏ចង់ញញឹម។
សញ្ញាពិតប្រាកដនៃស្នាមញញឹមធម្មជាតិ គឺមានភាពជ្រួញនៅជុំវិញភ្នែក។
លើសពីនេះទៀត រូបរាងទាំងមូលរបស់យើងមានភាពរីករាយ។
អនុវត្តញញឹមដាក់មុខកញ្ចក់ដើម្បីស្វែងរកស្នាមញញឹមដ៏ស្រស់ស្អាត
និងគួរឲទាក់ទាញដើម្បីឲមនុស្សប្រុសធ្លាក់អន្លង់ស្នេហ៏អ្នក។
២. ភ្នែក
ចំណុចមួយផ្សេងទៀតដែលមនុស្សប្រុសសម្លឹងមើលមនុស្សស្រីមុនគេគឺ
ភ្នែក។ អ្នកប្រាកដជាបានដឹងហើយថា
កែវភ្នែកជាបង្អួចបើកចិត្តរបស់អ្នក។
វាអាចប្រាប់យើងបានច្រើនអំពីមនុស្សម្នាក់។
វាងាយនឹងធ្វើឲយើងដឹងថា អ្នកណាម្នាក់កំពុងតែកុហកឬ
និយាយការពិតប្រាប់ដល់អ្នក។ កែវភ្នែកជាមេដែកឆក់មួយអាចទាក់ទាញ
និងចាប់អារម្មណ៏លើមនុស្ស។ តាមការវាស់ស្ទង់បានបង្ហាញថា
មនុស្សប្រុសជិត ៧០ ភាគរយ
យកចិត្តទុកដាក់លើកែវភ្នែករបស់មនុស្សស្រីមុនគេជាងអ្វីៗទាំងអស់។
កុំជឿថា ដើមទ្រូងជាចំណុចមួយដែលមនុស្សប្រុសសម្លឹងមើលមុនគេ។
មនុស្សប្រុសតែងតែសម្លឹងមើលកែវភ្នែកទាំងគូររបស់នាង
ជាជាងផ្នែកផ្សេងៗនៃរាងកាយ។ គំនិតជាក់លាក់មួយទៀតបានបង្ហាញថា
មនុស្សប្រុសចូលចិត្តមនុស្សស្រីមានភ្នែកធំៗ។
ការតុបតែងលើផ្ទៃមុខគ្រាន់តែជាល្បិចបោកបញ្ឆោតតែប៉ុណ្ណោះ!
ម៉ាស្ការ៉ា, ខ្មៅដៃគូសចិញ្ចើម
និងដាក់ស្រមោលលើត្របកភ្នែកនឹងធ្វើឲភ្នែករបស់អ្នកកាន់តែមានភាព
ទាក់ទាញ។ ប្រសិនបើអ្នកចង់ទាក់ទាញចិត្តគាត់
សាកល្បងសម្លឹងមើលគ្នារយៈពេល ២ទៅ ៣វិនាទី។ វិធីបែបនេះ
អ្នកនឹងអាចយល់ច្បាស់
ថាតើនៅមានឱកាសអាចបន្តជួបនឹងមនុស្សបែបនេះទៀតបានទេ។
៣. សក់
ពិតណាស់ មនុស្សប្រុសសម្លឹងមើលសុខភាព
និងសម្រស់នៃសក់របស់មនុស្សស្រី។
ការចំណាយពេលវេលាជាច្រើននៅលើកៅអីធ្វើសក់ពិតជាមិនមែនជាភាព
ជោគជ័យឡើយ។ បុរសៗភាគច្រើនគិតថា ស្តាយសក់, សុខភាពសក់, ភាពចែងចាំង
និងទន់រលោងនៃសក់ជាសញ្ញានៃសុខភាព និងភាពវ័យក្មេង។
ហើយអ្នកក៏ត្រូវដឹងដែរថា
មនុស្សប្រុសភាគច្រើនចូលចិត្តមនុស្សស្រីមានសក់ធម្មជាតិ
ទន់និងមានក្លិនក្រអូបផងដែរ។
៤. ទម្ងន់
ទម្ងន់របស់មនុស្សស្រីជារឿងមួយដែលបុរសៗភាគច្រើនសម្លឹងមើល។
ប្រសិនបើអ្នកកំពុងបង្អត់អាហារខ្លួនឯងដើម្បីឲមានរាងស្គម
អ្នកអាចដកដង្ហើមឲបានស្រួលហើយបញ្ឈប់ទង្វើបែបនេះ។
តាមការសិក្សាបានបង្ហាញថា មិនមែនបុរសគ្រប់រូបនោះទេ
ដែលចូលចិត្តមនុស្សស្រីរាងស្គមនោះ។ ដូច្នេះ
គួរស្វែងរកវិធីសម្រកទម្ងន់ដែលមិនប៉ះពាល់ដល់សុខភាព។
បញ្ឈប់ការតមអាហារ គួរទទួលទានអាហារដែលជួយដល់សុខភាព
ធ្វើលំហាត់ប្រាណ នោះអ្នកនឹងមិនភ័យខ្លាចនឹងការឡើងទម្ងន់ឡើយ។
ប្រសិនបើគាត់មិនចូលចិត្តរូបរាងរបស់អ្នកទេ
កុំទុកជាលក្ខណៈផ្ទាល់ខ្លួនពេក។ សរុបមក
ស្នេហាពិតប្រាកដគ្មានឧបសគ្គឡើយ។
ប្រសិនបើគាត់មិនពេញចិត្តនឹងទម្ងន់របស់អ្នក
ហើយគាត់និយាយរឿងនេះប្រាប់ដល់អ្នក
បានន័យថាគាត់មិនឲតម្លៃពេលវេលារបស់អ្នកឡើយ។
៥. ដើមទ្រូង
មនុស្សស្រីទាំងអស់ប្រហែលជាគិតថា ដើមទ្រូងជារបស់ទី១
ដែលមនុស្សប្រុសសម្លឹងមើលពេលជួបមនុស្សស្រី។
ប៉ុន្តែការគិតបែបនេះខុសហើយ
មនុស្សប្រុសមិនដែលគិតច្រើនដូចជាមនុស្សស្រីគិតទេ។
តាមគំនិតជាច្រើន និងតាមការវាស់ស្ទង់បានបង្ហាញថា
មនុស្សប្រុសសម្លឹងមើលដើមទ្រូង បន្ទាប់ពីសម្លឹងមើលស្នាមញញឹម
និងកែវភ្នែករបស់នាងរួច។
ដើមទ្រូងជាធម្មតាត្រូវបានគេគិតថាជាសញ្ញានៃភាពយុវវ័យ
និងភាពដែលអាចមានកូន
ហើយនេះជាហេតុផលមួយដែលមនុស្សប្រុសភាគច្រើនយកចិត្តទុកដាក់លើដើម
ទ្រូងរបស់មនុស្សស្រី។
ភាពស្រស់ស្អាតរបស់មនុស្សស្រីសម្រាប់មនុស្សប្រុស
គឺការមិនផ្តល់ភាពទាក់ទាញឲមនុស្សប្រុសផ្សេង។ ដូច្នេះ
កុំបារម្ភពីដើមទ្រូងរបស់អ្នកអី។
គ្រាន់តែត្រូវពាក់អាវទ្រនាប់ឲបានសមរម្យ និងធ្វើឲលំហាត់ប្រាណ។
៦. របស់ក្លែងក្លាយ
មនុស្សប្រុសក៏សម្លឹងមើលរបស់ក្លែងក្លាយរបស់មនុស្សស្រីផងដែរ។
ប្រសិនបើអ្នកតសក់, ពាក់ត្របកភ្នែក និងក្រចក គាត់នឹងសម្លឹងមើលវា។
មនុស្សប្រុសភាគច្រើនមិនចូលចិត្តមនុស្សស្រីបែបនេះឡើយ។
ប្រសិនបើអ្នកចង់ឲ្យមនុស្សប្រុសចូលចិត្ត
អ្នកត្រូវធ្វើខ្លួនបែបធម្មជាតិ។ រៀនការពារគុណវិបត្តិរបស់អ្នក
ហើយបង្ហាញសម្រស់របស់អ្នក ឲមើលទៅមិនមែនដូចតុក្កតា។
ជ្រើសរើសការធ្វើមុខស្រាលៗ ដាក់ស្រមោល និងផាត់មុខពណ៌ផ្កាឈូក។
ផ្ទុយពីការតសក់ ជម្រើសល្អគួរប្រើសាប៊ូពន្លូតសក់គុណភាពល្អៗ
និងផលិតផលធ្វើស្តាយសក់។
៧. ជើង
មនុស្សប្រុសភាគច្រើនស្រលាញ់មនុស្សស្រីមានជើងស្រឡូន
ហើយនេះជាចំណុចមួយដែលមនុស្សប្រុសសម្លឹងមើល។
មនុស្សប្រុសចូលចិត្តសម្លឹងមើលមនុស្សស្រីស្លៀកខ្លី។
ក្រៅពីសម្លឹងមើលរាងស្លីមរបស់មនុស្សស្រី
មនុស្សប្រុសពិតជាស្រឡាញ់មនុស្សស្រីមានត្រគាកស្អាត
ព្រោះវាអាចបញ្ជាក់ពីភាពអាចមានកូន និងលក្ខណៈជាមនុស្សស្រី។
ប្រសិនបើអ្នកមិនមែនជាមនុស្សស្រីជើងវែង
កុំមានការព្រួយបារម្ភ។
ត្រូវប្រាកដថាអ្នកចេះថែរក្សាជើងឲបានស្អាតល្អ
ហើយមនុស្សប្រុសនឹងសម្លឹងមើល។ ផ្តល់សំណើមដល់ជើងជារៀងរាល់ថ្ងៃ
និងថែរក្សាជើងរៀងរាល់សប្តាហ៏។ ដៃគូរបស់អ្នកនឹងនិយាយថា
ជើងរបស់អ្នកពិតជាស្រស់ស្អាតជាងមនុស្សស្រីមានជើងវែងទៅទៀត។
៨. ស្បែក
មនុស្សប្រុសភាគច្រើនក៏យកចិត្តទុកដាក់លើការសម្លឹងមើលស្បែក
របស់មនុស្សស្រីផងដែរ។ ដើម្បីអាចទាក់ទាញចិត្តរបស់មនុស្សប្រុសបាន
ស្បែករបស់អ្នកគួរតែទន់ ហើយរលោង។ តែងតែលាងសម្អាតប្រចាំ ផ្តល់សំណើម
និងធ្វើឲស្បែកតឹងណែនជារៀងរាល់ព្រឹក និងមុនពេលចូលគេង។
មិនត្រូវចូលគេងទាំងមានគ្រឿងសម្អាងជាប់នឹងផ្ទៃមុខ
និងកុំភ្លេចជម្រះកោសិកាងាប់ៗចេញពីលើស្បែក។ លើសពីនេះទៀត
ត្រូវគេងឲបានគ្រប់គ្រាន់ និងកាត់បន្ថយភាពតានតឹងរបស់អ្នក។
៩. ស្តាយនៃការស្លៀកពាក់
តាមការសិក្សាថ្មីៗនេះបានរកឃើញថា
មនុស្សប្រុសភាគច្រើនចូលចិត្តមនុស្សស្រីស្លៀកសម្លៀកបំពាក់ទាន់សម័យ
ព្រោះអាចបង្ហាញពីស្បែកដ៏ស្រស់ស្អាតរបស់នាង។
ត្រូវចងចាំក្នុងចិត្តថា អត្ថន័យស្តាយអាចប្រាប់ច្រើនអំពីអ្នក
ក្លិនទឹកអប់ និងការតុបតែងមុខអាចប្រាប់ពីរសជាតិរបស់អ្នក។ កែងជើង
និងគ្រឿងប្រណិតៗអាចលាតត្រដាងពីការរស់នៅ
និងកម្រិតយល់ដឹងរបស់អ្នក។ ការស្លៀកពាក់អាចបង្ហាញពីទំនុកចិត្ត
និងអត្តចរិករបស់អ្នក។
កុំគិតថាមនុស្សប្រុសមើលមិនដឹងពីភាពទាន់សម័យ
និងភាពពេញនិយមរបស់អ្នក។ ពួកគេសម្លឹងមើលគ្រប់យ៉ាង។
ប្រសិនបើចាំបាច់
គួរពង្រឹងស្តាយរបស់អ្នកឲមើលទៅកាន់តែមានទំនុកចិត្ត៕
ដោយ៖ ដារ៉ា
ប្រភព៖ បរទេស