ខាងក្រោមនេះជាវិធីសាស្ត្រមួយចំនួនដើម្បីដោះស្រាយជាមួយនឹងក្មេងខ្ជិល៖
ជជែកជាមួយពួកគេ
នៅពេលអ្នកបានជួបនឹងកូនដែលខ្ជិល រឿងមួយដែលអ្នកត្រូវមើលថែនោះគឺ ត្រូវចំណាយពេលវេលាជាមួយនឹងគេ ហើយនិយាយលេងជាមួយនឹងគេ។ និយាយណែនាំគេកាន់តែឆាប់ កាន់តែល្អ! អ្នកត្រូវប្រាប់ដល់ពួកគេពីសារៈសំខាន់នៃការប្រឹងប្រែងធ្វើ ការងារ និងភាពចាំបាច់របស់ការងារដើម្បីឲជីវិតមានន័យ។
ការងារផ្ទះ
វិធីសាស្ត្រមួយដើម្បីដោះស្រាយនឹងក្មេងខ្ជិលគឺ អ្នកអាចឲការងារផ្ទះដល់ពួកគេធ្វើ។ អ្នកអាចផ្តល់ជារង្វាន់ ដោយការឲប្រាក់ដល់ពួកគេ។ ការធ្វើបែបនេះនឹងជម្រុញឲពួកគេខំធ្វើការងារ។ ម្យ៉ាងទៀតអ្នកក៏អាចឲពួកគេធ្វើការងារផ្ទះផ្សេងៗដទៃទៀតរៀង រាល់សប្តាហ៏ផងដែរ។ ផ្តល់ជារង្វាន់ល្អៗដែលធ្វើឲពួកគេកាន់តែខំធ្វើ។
បញ្ហាសុខភាព
នៅពេលអ្នកដោះស្រាយជាមួយនឹងក្មេងខ្ជិល អ្នកត្រូវមើលថែជាពិសេស ត្រួតពិនិត្យថាតើពួកគេមានបញ្ហាសុខភាពប្រភេទណាមួយ។ ត្រូវឲប្រាកដថាពួកគេមានសុខភាពល្អ ហេតុនេះហើយត្រូវដឹងថាភាពខ្ជិលរបស់ពួកគេមិនមែនមកពីជំងឺរ បស់ពួកគេឡើយ។ ករណីភាគច្រើន ក្មេងៗមិនអាចដឹងថាពួកគេកើតអ្វីឡើយ ដូច្នេះឪពុកម្តាយគួរតែយកពួកគេទៅជួបនឹងវេជ្ជបណ្ឌិត។
ធ្វើឲកូនមានសកម្មភាពច្រើន
នាំពួកគេលេងកីឡា នេះនឹងជម្រុញឲពួកគេមានទំនាក់ទំនងជាមួយនឹងក្មេងៗដទៃៗទៀត ហើយក៏ត្រូវមានគ្រូលើកទឹកចិត្តដល់ពួកគេឲមានសកម្មភាពផងដែរ។ អ្នកក៏អាចនាំពួកគេទៅផ្សារទំនើប ឬទៅញ៉ាំអ្វីនៅកន្លែងណាជាលក្ខណៈគ្រួសារដើម្បីអាចឲអ្នកប្រឡែង លេងជាមួយពួកគេ។
ធ្វើអត្តចរិកឲបានល្អ
ការចិញ្ចឹមមើលថែក្មេងខ្ជិលពិតជាមិនមែនរឿងងាយស្រួលឡើយ អ្នកត្រូវមានការអត់ធ្មត់ច្រើនដើម្បីយកពួកគេចេញពីភាពខ្ជិលនេះ ។ ព្យាយាមរក្សាអត្តចរិកឲបានល្អនៅផ្ទះ មិនត្រូវស្តីបន្ទោស ឬវៃពួកគេឡើយ ព្រោះអាចធ្វើឲពួកគេខឹង៕
ដោយ៖ ដារ៉ា
ប្រភព៖ បរទេស