ក្នុង
ការយកឈ្នះលើចិត្តបុរសៗ ដើម្បីឲ្យគេមានចិត្តមកលើខ្លួន
ឬក៏ឆកយកបេះដូងពីមនុស្សដែលខ្លួនស្រឡាញ់
នារីៗមិនបានគិតដល់រឿងសាមញ្ញៗដូចជា៖ ការតុបតែងមុខ,
ការស្លៀកពាក់… ដែលជាភាពទាក់ទាញភ្នែករបស់មនុស្សប្រុសនោះទេ។
នេះហើយ ជាកង្វះខាតដែលនារីៗមិននឹកស្មានដល់
និងមិនអាចធ្វើឲ្យប្រុសៗមានការចាប់អារម្មណ៍មកលើខ្លួនថែមទៀត។
ការតុបតែងមុខក្រាស់ពេក
កំហុសឆ្គងមួយដែលអ្នកតែងតែជួបប្រទះ
នៅពេលព្យាយាមទាក់ទាញចំណាប់អារម្មណ៏ពីបុរសៗ
គឺការតុបតែងមុខខ្លាំងពេក ទាំងពេលខ្លះមិនចាំបាច់សោះ។ ពិតណាស់
បុរសៗតែងតែស្រលាញ់មនុស្សស្រី ដែលមានរូបរាងស្អាត
ប៉ុន្តែមិនមែនមានន័យថា
បុរសៗតែងតែពេញចិត្តនារីៗដែលមានម្សៅក្រាស់ៗនៅលើផ្ទៃមុខឡើយ។
ស្រមើស្រមៃថា
វាជាពេលវេលាញ៉ាំអាហារជុំគ្រួសារនៅខាងក្រៅផ្ទះដែលមានសុភមង្គល
បំផុត ហើយវាសមដែរទេដែលអ្នកត្រូវតុបតែងមុខខ្លាំងពេកនោះ?
អ្វីៗត្រូវពឹងផ្អែកលើកាលៈទេសៈ
ថាតើអ្នកត្រូវធ្វើខ្លួនដូចម្តេច។ បើមិនដូច្នេះទេ
អ្នកគ្រាន់តែតុបតែងមុខតិចតួចដើម្បីឲ្យមើលទៅស្រស់ស្អាត
ប៉ុន្តែនៅតែមានភាពទាក់ទាញ។
ភាពយឺតយ៉ាវជាញឹកញាប់
ប្រសិនបើនាងបាននិយាយថា ភាពយឺតយ៉ាវជាសិទ្ធិរបស់មនុស្សស្រី
ការគិតបែបនេះពិតជាខុសទាំងស្រុង។ ប្រសិនបើអ្នកយឺតយ៉ាវ ២ ទៅ ៣
ដង គាត់អាចនឹងមិនក្រៀមក្រំចិត្ត។ ប៉ុន្តែនេះមិនប្រាកដទេថា
គាត់អាចនឹងរីករាយសម្រាប់ការណាត់ជួបលើកក្រោយៗទៀត។
រៀនធ្វើឲ្យទាន់ពេល
យ៉ាងហោចណាស់ក៏វាអាចជួយឲ្យអ្នកយកឈ្នះលើការអាណិតអាសូរច្រើន
ជាងអ្នកដទៃដែរ។
បង្អត់អាហារខ្លួនឯងញឹកញាប់
នេះហាក់បីដូចជាគ្មានស្ថេរភាពសោះ
ប៉ុន្តែការពិតវាគឺដូច្នេះមែន។ មានម្ហូបអាហារច្រើន
ប៉ុន្តែនាងបានញ៉ាំតិចតួច
ដើម្បីរក្សារូបរាងនាងក្នុងកែវភ្នែកគាត់ជានិច្ច។
ទោះបីជាយ៉ាងណាក៏ដោយ
នេះមិនត្រឹមតែមិនអាចជួយឲ្យគាត់មានអារម្មណ៏ល្អប៉ុណ្ណោះទេ
តែថែមទាំងធ្វើឲ្យគាត់គិតថា អ្នកញ៉ាំតិច
ដើម្បីរក្សារាងតែប៉ុណ្ណោះ។
ការធ្វើបែបនេះអាចធ្វើឲ្យគាត់មានភាពភ័យខ្លាច
ហើយធ្វើឲ្យគាត់មានអារម្មណ៏ថា
គាត់ធ្វើឲ្យអ្នកញ៉ាំមិនបានស្រួលសោះ។
សេចក្តីណែនាំចំពោះនារីៗគឺថា
មិនត្រូវបង្អត់អាហារខ្លួនឯងបែបនេះទេ។ វាមិនសំខាន់ទេថា
អ្នកមិនត្រូវញ៉ាំច្រើន ឬញ៉ាំតិចទេ
ប៉ុន្តែសំខាន់ត្រូវញ៉ាំឲ្យបានឆ្ងាញ់។ ត្រូវចាំថា
ភាពស្រស់ស្អាតរបស់អ្នកនឹងធ្វើជាគូប្រជែងនឹងអាហាររបស់អ្នក។
ស្លៀកពាក់ស៊ិចស៊ី
ប្រសិនបើអ្នកចង់ឲ្យទំនាក់ទំនងស្នេហាជាមួយអ្នកណាម្នាក់
កុំស្លៀកសម្លៀកបំពាក់ស្តើងៗពេក។
បុរសៗសម្លឹងមើលតែនារីៗស៊ិចស៊ីតាមបែបធម្មជាតិតែប៉ុណ្ណោះ
ពួកគេមិនចូលចិត្តមនុស្សស្រីដែលស្លៀកពាក់តាមអ្នកដទៃឡើយ។
ត្រូវជឿជាក់ថា សម្លៀកបំពាក់ពិតជាសំខាន់ខ្លាំងណាស់
វានឹងធ្វើឲ្យអ្នកដទៃធ្វើការសម្រេចចិត្តថា ត្រូវគោរព
ឬមិនគោរពចំពោះអ្នក។
ព្យាយាមធ្វើដូចអ្នកណាម្នាក់
ប្រសិនបើខ្លួនអ្នកមិនល្អឥតខ្ចោះទេ ព្យាយាមបង្កើនភាពខ្លាំង
ហើយយកឈ្នះលើភាពខ្សោយរបស់អ្នក។
នេះនឹងធ្វើឲ្យអ្នកដទៃបានឃើញជាជាងធ្វើខ្លួនតាមអ្នកណាម្នាក់។
អ្នកអាចនឹងពេញចិត្តអ្នកណាម្នាក់នៅថ្ងៃណាមួយ
តែគេបានលាចាកលោកនេះបាត់ហើយ។ មនុស្សម្នាក់ៗមានជីវិតតែមួយ
ត្រូវធ្វើជាខ្លួនអ្នក
ហើយកុំព្យាយាមធ្វើខ្លួនដូចជាអ្នកដទៃដើម្បីក្តីសុខរបស់អ្នកណា
ម្នាក់ឲ្យសោះ។
អាយុច្រើនពេក
នៅអាយុ ២០ ឆ្នាំ នារីៗចង់បានបុរសៗដែលមានរូបរាងសង្ហារ
មានជំនាញពិតប្រាកដ។ ដល់ពេលអាយុ ៣០
នាងចង់បានបុរសៗមានចរិកចាស់ទុំ មានសេដ្ឋកិច្ចស្ថិតស្ថេរ។
ដល់ពេលអាយុ ៤០ ធ្វើឲ្យមនុស្សប្រុសលែងចង់រៀបការជាមួយ។ ដូច្នេះ
មនុស្សស្រីមានអាយុច្រើនពេកទីបំផុតត្រូវទទួលបានការចាប់អារម្មណ៍
ទាប។ នេះមិនមែនជាកំហុសឆ្គងទេ។ បញ្ហាគឺថា ក្រៅពីអាយុរបស់អ្នក
អ្នកនៅតែត្រូវការដឹងថាអ្វីដែលអ្នកចង់បាន។ ជាក់ស្តែង
ជីវិតនៅលីវពិតជាមានភាពសប្បាយរីករាយ
មានសេរីភាពប្រសើរជាងអ្នករៀបការរួច៕
ដោយ៖ ដារ៉ា
ប្រភព៖ បរទេស