តើអ្នកជាឪពុក
ម្តាយដែលតឹងរ៉ឹងចំពោះកួនដែរ ឬទេ?
ឪពុកម្តាយគ្រប់រូបតែងប្រាថ្នាចង់ឲ្យកូនរស់នៅប្រកប់ដោយសុខភាព
ល្អ និងមានភាពសប្បាយរីករាយ។ នោះក៏អាស្រ័យលើអាណា
ព្យាបាលដែរ។ បើសិនជាឪពុកម្តាយតឹងរ៉ឹងចំពោះកូនពេក
គឺធ្វើឲ្យពួកគេធំឡើងជាមួយភាពរន្ធត់ញាប់ញរ និងការថប់អារម្មណ៏។
មិនតែប៉ុណ្ណោះ ពេលដែលកូនរបស់អ្នកធំឡើង
គេនឹងធ្វើបែបនេះដាក់កូនរបស់គេផងដែរ។
ក្នុងនាមជាឪពុកម្តាយអ្នកគួរអនុញ្ញាតឲ្យកូនធ្វើរឿងអ្វីដែលគេចង់
ធ្វើ ប៉ុន្តែអ្នកអាចណែនាំឲ្យគេធ្វើរឿងដែលត្រឹមត្រូវ។
១. ភាពភ័យខ្លាច
នៅពេលដែលអ្នកជាឪពុកម្តាយដែលមានភាពតឹងរ៉ឹងចំពោះកូន,
កូនរបស់អ្នកនឹងរស់នៅជាមួយភាពភ័យខ្លាច។ ជាមួយគ្នានេះផងដែរ
ពេលកូនរបស់អ្នកធ្វើរឿងអ្វីមួយ
ច្រើនមិនបានសម្រេចដោយសារតែគេមានភាពភ័យខ្លាចក្នុងខ្លួនច្រើន
ពេក។
២. ការផ្លាស់ប្តូរ
កូនៗដែលមានភាពតឹងរ៉ឹងខ្លាំងពេកប្រៀបបានប៉េងប៉ោងដែលរៀបនឹង
ផ្ទុះ នៅខណៈពេលណាមួយ។ ពេលដែលប៉េងប៉ោងផ្ទុះហើយ
វានឹងផ្លាស់ប្តូរទ្រង់ទ្រាយថ្មី។ កូនៗក៏ដូចគ្នានេះដែរ
ពេលដែលគេមានសម្ពាធខ្លាំងពេក
នោះនឹងធ្វើឲ្យផ្លាស់ប្តូរទៅជាមនុស្សថ្មីម្នាក់ទៀត។
បើសិនជាកូនរបស់អ្នកផ្លាស់ប្តូរពីអាក្រក់ទៅល្អនោះជារឿងដែល
សប្បាយចិត្ត ប៉ុន្តែ
ចុះបើផ្លាស់ប្តូរពីល្អទៅអាក្រក់វិញ តើអ្នកនឹងគិតយ៉ាងណា?
មិនតែប៉ុណ្ណោះអាចធ្វើឲ្យគេក្លាយជាមនុស្សម្នាក់ដែលស្រងូតស្រងាត់
មិនសូវនិយាយស្តី។
៣. មិនមានក្តីសប្បាយរីករាយ
ក្នុងនាមជាឪពុកម្តាយមានកាតព្វកិច្ច ផ្តល់នូវក្តីស្រលាញ់
និងសុភមង្គលឲ្យកូនដោយឥតមានលក្ខខ័ណ្ឌ។
បើសិនជាអ្នកមានសម្ពាធលើកូន
នោះនឹងធ្វើឲ្យគេរស់នៅដោយមិនស្គាល់ពីសេចក្តីសប្បាយរីករាយ។
ហើយអ្វីដែលសំខាន់ទៀតនោះ
ពេលដែលគេចេញទៅសង្គមខាងក្រៅពិតជាពិបាកក្នុងការធ្វើទំនាក់ទំនង
ព្រោះគេមានសម្ពាធផ្លូវចិត្ត៕
ដោយ៖ យូរី
ប្រភព៖មង្គលការ