គ្មានអ្វីដែលឈឺចាប់ជាងការដឹងថាគូស្នេហ៍របស់ខ្លួនផិតក្បត់ ដោយមិនគិតថាអ្នកធ្លាប់បានរស់នៅជាមួយគេជាច្រើនខែ ជាច្រើនឆ្នាំ ឬក៏ជាច្រើនសត្សវត្យនោះទេ។ ពិតមែនហើយវាពិតជាធ្វើឲ្យយើងឈឺចាប់។ ប៉ុន្តែសំណួរមួយដែលពិតប្រាកដនោះគឺ តើត្រូវជៀសឲ្យផុតពីការឈឺចាប់នេះដោយវិធីណា។ វេជ្ជបណ្ឌិត Fredric Neuman ផ្នែកចិត្តវិទ្យាមានប្រសាសន៍ថា៖ ”ការខកចិត្តពីរឿងអ្វីមួយអាចធ្វើឲ្យអារម្មណ៍ក្នុងការឲ្យតម្លៃខ្លួនឯងកាន់តែតិចដែលធ្វើឲ្យមនុស្សត្រូវតែចាប់ផ្តើមធ្វើអ្វីមួយជាក់ជាពុំខាន។ ប្រសិនបើមានករណីលាក់ពុតក្នុងរឿងកាតណ្ហា មនុស្សបែបនេះអាចក្លាយទៅជាមនុស្សដែលចូលចិត្តច្រណែនដោយគ្មានហេតុផល និងខឹងដោយមិនសមហេតុផល”។ លោកបណ្ឌិត Belisa Vranich បាននិយាយថា៖ "អ្នកប្រហែលជាមានការស្ទាក់ស្ទើរក្នុងការទទួលយកនូវទំនាក់ទំនងស្នេហាថ្មី ឬក៏អ្នកនឹងចង់បានទំនាក់ទំនងស្នេហាថ្មីកាន់តែច្រើនចាប់តាំងពីការក្បត់ផិតបានទុកឲ្យអ្នកនៅឯកោរតែម្នាក់ឯង ”។ "អ្នកអាចស្វែងរកអ្នកណាម្នាក់ដែលខុសពីអ្នកមុន ដើម្បីជៀសឲ្យផុតកុំឲ្យមានដូចស្នេហាគ្រាមុនទៀត ឬក៏អាចស្វែងរកមនុស្សដែលស្រដៀងនឹងមនុស្សមុនទៀត ដូច្នេះពេលនេះអ្នកអាចគ្រប់គ្រងស្ថានភាពឲ្យប្រសើរជាងមុន ”។
អ្នកនិពន្ធ និងគ្រូបង្វិកលោក Liz Kelly បាននិយាយថា៖ មិនថាអ្នកត្រូវបានគេបោកប្រាស់ ត្រូវបានគេកុហក ឬក៏ត្រូវបានគេបោកបញ្ឆោតដើម្បីជាឈ្នាន់នោះទេ ដំណោះស្រាយដ៏ល្អនោះ គឺការរៀនគ្រប់គ្រងអារម្មណ៍របស់អ្នក ជៀសឲ្យផុតពីការក្លាយជាជនរងគ្រោះដោយសារបញ្ហាស្នេហា។ " អ្នកអាចទទួលជោគជ័យលើការផិតក្បត់បាន ដោយការគិតថាអ្នក គឺជាមនុស្សដែលឆ្លាត និងមិនទទួលយករឿងនេះម្តងទៀតនោះទេ។ ដំណោះស្រាយមួយ គឺការមានជំនឿចិត្តលើសេចក្តីក្លាហានរបស់ខ្លួន និងការទទួលស្គាល់ថាមនុស្សភាគច្រើនល្អសម្រាប់អ្នក។ ហើយត្រូវគិតថាវាមិនមែនជាអ្នកទេវាជាគេ។ ការព្យាយាមស្វែងយល់ពីស្ថានភាព ហើយសំឡឹងមើលប្រសិនបើមានសញ្ញាជាច្រើនដែលអ្នកមិនបានឃើញ និងត្រូវតែយកចិត្តទុកដាក់បន្តនៅពេលក្រោយទៀត ”។ លោក Neuman និយាយថា៖ ” ក្តីស្រលាញ់មានន័យថាការបើកចំហរ ប៉ុន្តែអ្នកណាដែលធ្វើឲ្យគូស្នេហ៍លើកមុនមានការព្រួយបារម្ភពីខ្លួនច្រើន គឺមានភាពទាក់ទាញតិច”។ អ្នកស្រី Kelly និយាយថា៖ ការងាយនឹងបង្ហាញការពិតពីភាពផិតក្បត់ឆាប់ពេកអាចធ្វើឲ្យគូស្នេហ៍ទាំងពីរងាយទទួលរងនូវការឈឺចាប់។ "នៅពេលមានពេលវេលាមួយដែលសក្តិសម ត្រូវធ្វើឲ្យមានភាពច្បាស់លាស់នូវអ្វីដែលអ្នកចង់បាន និងចំណាយពេលវេលា ដើម្បីស្គាល់នរណាម្នាក់ឲ្យបានច្បាស់”។ វាប្រសើរជាងការនៅឯកោរម្នាក់ឯង និងរង់ចាំមនុស្សដែលសក្តិសមម្នាក់៕
ដោយ៖ ដារ៉ា