សាច់គោធម្មជាតិមានលក្ខណៈទន់, ក្លិនឈ្ងុយ ហើយផ្អែម ដែលមនុស្សជាច្រើនចូលចិត្តទទួលទាន។ បើប្រៀបធៀបទៅនឹងសាច់គោដែលចម្អិនរួច បរិមាណសារធាតុចិញ្ចឹមរបស់សាច់មិនខុសគ្នាឡើយ។ តែទោះជាយ៉ាងណាត្រូវមានការប្រុងប្រយ័ត្ននៅពេលទទួលទានសាច់គោ ដើម្បីចៀសវាងការឆ្លងជំងឺ។
ចំពោះបច្ចេកទេសក្នុងការសម្លាប់សត្វ ក៏ដូចជាការដឹកជញ្ជូន និងកន្លែងផ្ទុកសាច់នៅក្នុងប្រទេសយើងមិនទាន់មានអនាម័យត្រឹមត្រូវនៅឡើយ។ ដូច្នេះ ការទទួលទានសាច់គោអាចបណ្តាលឲ្យកើតជំងឺជាច្រើនដូចខាងក្រោម៖
ជំងឺឆ្លងពីពពួកប៉ារ៉ាស៊ីត៖ ដោយសារតែពពួកប៉ារ៉ាស៊ីតមាននៅក្នុងពោះវៀន ហើយគីសមាននៅក្នុងសាច់សាច់គោ។ ប្រសិនបើអ្នកបរិភោគដោយចម្អិនមិនបានល្អ វានឹងធ្វើឲ្យមេរោគមានឱកាសទៅក្នុងពោះវៀនរបស់អ្នក ហើយធ្វើដំណើរពាសពេញក្នុងរាងកាយ បណ្តាលឲ្យកើតជា ជាលិកាប៉ារ៉ាស៊ីត។
ប៉ារ៉ាស៊ីតហ្វាស៊ីអូឡូស៊ីស៖ ជាធម្មតាប្រភេទនៃប៉ារ៉ាស៊ីតនេះមាននៅក្នុងថ្លើម ហើយបំពង់ទឹកប្រមាត់របស់សត្វស៊ីរុក្ខជាតិជាអាហារដូចជា៖ គោក្របី, ចៀម…នៅពេលពពួកប៉ារ៉ាស៊ីតទាំងអស់នេះចេញតាមលាមក មកក្រៅ ពងញាស់របស់ពពួកប៉ារ៉ាស៊ីតនឹងលូតលាស់នៅក្នុងខ្យល់។ មួយចំនួនរស់នៅក្នុងទឹក, ខ្លះទៅតោងជាប់នឹងបន្លែដូចជា៖ ជីរ, ស្ពៃខៀវ ឬអាចជាប់នឹងសាច់សត្វនៅពេលសម្លាប់មិនបានត្រឹមត្រូវ និងគ្មានអនាម័យ។
នៅពេលពពួកប៉ារ៉ាស៊ីតបានចូលទៅក្នុងរាងកាយហើយ វាបានជ្រៀតចូលក្នុងពោះវៀន និងថ្លើម ហើយបណ្តាលឲ្យកើតជាជំងឺ។ ដូច្នេះ ប្រសិនបើអ្នកចូលចិត្តទទួលទានសាច់គោ មុនពេលទទួលទានអ្នកគួរសុំឲ្យអ្នកលក់បានស្ងោរ ឬស្រុះសាច់នៅក្នុងទឹកក្តៅជាមុនសិន៕
ដោយ៖ ដារ៉ា
ប្រភព៖ បរទេស