គ្រប់ផ្នែកនៃរាងកាយសុទ្ធតែទាមទារការមើលថែយ៉ាងពិសេស ជាពិសេសនៅពេលអ្នកធ្វើលំហាត់ប្រាណជាប្រចាំ។ រឿងចម្បងដែលអ្នកត្រូវគិតនៅពេលធ្វើលំហាត់ប្រាណគឺ ភាពល្អឥតខ្ចោះ។ រូបរាង និងទំហំរាងកាយរបស់អ្នកត្រូវខុសប្លែកពីអ្នកដទៃ។ អ្នកត្រូវរក្សារឿងនេះទុកក្នុងចិត្ត នៅពេលអ្នកកំពុងធ្វើលំហាត់ប្រាណ។ នៅពេលអ្នកព្រឹក្សាជាមួយអ្នកជំនាញ អ្នកនឹងឃើញថា អ្នកមានក្បាច់ហាត់ប្រាណតែមួយគត់ដែលផ្សាភ្ជាប់ទៅនឹងរាងកាយរបស់អ្នក។
ចំណុចមួយចំនួនដែលអ្នកត្រូវដឹងអំពីស្មារបស់អ្នក មុនអ្នកចាប់ផ្តើមធ្វើលំហាត់ប្រាណស្មា។ ស្មាមានសាច់ដុំ ៣កន្លែង៖ ខាងមុខ, កណ្តាល និងខាងក្រោយ។ អ្នកត្រូវប្រាកដថា អ្នកធ្វើលំហាត់ប្រាណសាច់ដុំ ៣កន្លែងនេះបានស្មើគ្នា។ ខាងក្រោមនេះជាលំហាត់ប្រាណស្មាមួយចំនួនដែលអ្នកអាចមើលឃើញភាពខុសប្លែកគ្នាទាំងស្រុង។ ត្រូវយកចិត្តទុកដាក់ពេលធ្វើលំហាត់ប្រាណ ដើម្បីទទួលបានលទ្ធផលល្អឥតខ្ចោះ។
លើកដុំដែក
អ្នកត្រូវអង្គុយលើកៅអីពូក រួចលើកដុំដែកដើម្បីជំនួយដល់ខ្នង។ ការលើកដុំដែកដោយដាក់ប្រវែងដៃឲ្យបានត្រឹមត្រូវ លើកវាឡើងលើក្បាល។ អ្នកត្រូវដកដង្ហើមចូលនៅអ្នកដាក់វាលើស្មា ហើយដកដង្ហើមចេញ នៅពេលអ្នកដាក់វាចុះមកលើស្មាវិញ។
ដៃម្ខាងដាក់ចុះ ម្ខាងទៀតលើកដុំដែកឡើង
នេះជាលំហាត់ប្រាណសាច់ស្មាដែលល្អបំផុត។ អ្នកនឹងត្រូវការដុំដែក ដៃម្ខាងទៀតគួរក្តាប់អ្វីឲ្យនៅនឹង។ អ្នកត្រូវឈរឲ្យបានត្រង់ ដៃម្ខាងកាន់ដុំដែក។ រក្សាដងខ្លួនឲ្យនឹង លើកដុំដែកទៅម្ខាង។ ដាក់ដុំដែកចុះមកទីតាំងដើមវិញ ហើយធ្វើម្តងទៀតសម្រាប់ដៃរបស់អ្នកម្ខាងផ្សេងមួយទៀត។
លើកដុំដែកត្រប៉ែត
អ្នកត្រូវឈរឲ្យត្រង់ កាន់ដុំដែកត្រប៉ែត ហើយលើកដាក់ចំពីមុខ។ អ្នកត្រូវដកដង្ហើមចេញ នៅពេលលើកដុំដែកត្រប៉ែតលើស្មាបន្តិច។ ដកដង្ហើមចូលហើយដាក់ដុំដែកត្រប៉ែតចុះមកទីតាំងដើមវិញ។
ដេកលើកដុំដែក
អ្នកត្រូវដេកលើបង់រាបស្មើមួយ ហើយកាន់ដុំដែកក្នុងដៃម្ខាងៗ។ ដៃទាំង២របស់អ្នកគួរដាក់ឲ្យស្មើគ្នា។ ដកដង្ហើមចេញនៅពេលអ្នកលើកដៃឡើងលើរហូតដល់កែងដៃរាបស្មើ។ ដកដង្ហើមចូលនៅពេលអ្នកដាក់ដៃចុះមកទីតាំងដើមវិញ។
អាហ្វង់
អាវ៉ង់ក៏ជាលំហាត់ប្រាណល្អមួយប្រភេទសម្រាប់សាច់ស្មាផងដែរ។ អ្នកត្រូវផ្កាប់មុខ ហើយអ្នកត្រូវលើកខ្លួនឡើងហើយដាក់ខ្លួនចុះវិញដោយប្រើដៃទាំងសងខាងរបស់អ្នក។ លំហាត់ប្រាណបែបនេះអាចជួយសាច់ដុំសរសៃយាង, ស្មា និងសាច់ដុំក្បាលពោះទាំងមូល៕
ដោយ៖ ដារ៉ា