ស្ត្រីជាច្រើនទទួលរងគ្រោះដោយសារជំងឺរោគស្ត្រី។ ជំងឺរោគស្ត្រីមិនត្រឹមតែប៉ះពាល់ដល់សុខភាព និងជីវិតរបស់ស្ត្រីប៉ុណ្ណោះទេ តែថែមទាំងអាចបណ្តាលឲ្យស្ត្រីគ្មានកូនផងដែរ។ ជំងឺរោគស្ត្រីខាងក្រោមនេះត្រូវបានគេចាត់ទុកថា ជាជំងឺដែលធ្វើឲ្យស្ត្រីភាគច្រើនគ្មានកូនបាន។
ការរលាកបំពង់មាត់ស្បូន
រោគសញ្ញា៖ ការមករដូវមិនទៀង, ការឈឺចាប់ពេលមានរដូវ, លំហូរទឹករំអិលខុសពីធម្មតា, ឈឺចាប់ក្នុងពេលកំពុងរួមភេទ, ខូចប្រព័ន្ធរំលាយអាហារ, អស់កម្លាំង, រហិតរហៃ, រសាប់រសល់ក្នុងចិត្ត...ការរលាកបំពង់មាត់ស្បូនអាចបណ្តាលឲ្យស្ត្រីពី ៤០ ទៅ ៥០ ភាគរយ អាចគ្មានកូនបាន។
ការរលាកបំពង់មាត់ស្បូននេះបណ្តាលមកពីការឆ្លងរោគ ឬអ្នកបង្ករោគអង់ដូមី។ ការរលាកបំពង់មាត់ស្បូននេះបណ្តាលឲ្យទឹកកាមដែលបង្កជាកូនមិនអាចធ្វើសំបុក និងលូតលាស់នៅក្នុងស្បូនបាន ហើយក៏អាចធ្វើឲ្យស្ត្រីមានកូនក្រៅស្បូនដែរ។
ការរលាកឆ្អឹងត្រគាក
រោគសញ្ញា៖ ឈឺចាប់ក្នុងពោះតិចៗ, គ្រុនក្តៅ, លំហូរទឹករំអិលខុសពីធម្មតា ថែមទាំងឈឺចាប់ក្នុងពេលរូមភេទ, ការមករដូវមិនទៀង...អ្នកគួរតែទៅជួបនឹងវេជ្ជបណ្ឌិតជាបន្ទាន់ព្រោះអាការៈបែបនេះជាសញ្ញាមួយបង្ហាញពីការរលាកឆ្អឹងត្រគាក។
ការរលាកឆ្អឹងត្រគាកជាធម្មតាកើតឡើងនៅពេលបាក់តេរីបានរាតត្បាតឆ្លងតាមការរួមភេទ។ ដូច្នេះ ជំងឺប្រភេទនេះកើតឡើងដោយសារឆ្លងរោគពីការផលិតសរីរាង្គភេទញី។ ក្នុងករណីឆ្លងរោគយ៉ាងធ្ងន់ធ្ងរនេះអាចបណ្តាលឲ្យស្ត្រីគ្មានកូន ឬកូនក្រៅស្បូន។
ដុះដុំសាច់ក្នុងស្បូន
រោគសញ្ញា៖ លំហូរឈាមយូរក្នុងពេលមានរដូវ, រាកនោមឥតឈប់ឈរ, ឈឺចាប់ពេលរួមភេទ...នៅពេលដុំសាច់ក្នុងស្បូនកាន់តែធំទៅៗ វាធ្វើឲ្យអ្នកមានអារម្មណ៏ធ្ងន់ៗក្នុងពោះ។
ទោះបីជាយ៉ាងណាក៏ដោយ ដុំសាច់ក្នុងស្បូននេះជាដុំសាច់ស្លូត ប៉ុន្តែវាមានសក្តានុពលគំរាមកំហែងដល់អ្នកម្តាយ។ ករណីដុះសាច់ក្នុងស្បូន វាអាចធ្វើឲ្យរាំងស្ទះដល់ការបង្កកំណើត។
គីសក្នុងក្រពេញអូវុល
រោគសញ្ញា៖ ឈឺចាប់ក្នុងពោះ, ការមករដូវមិនទៀង, ឈឺចាប់ក្នុងទ្វារមាស...។
គីសអាចកើតមាននៅក្នុងក្រពេញអូវុល និងថង់ដែលមានសារធាតុរាវ។ ដុំគីសក្នុងក្រពេញអូវុលអាចប៉ះពាល់ដល់ការបង្កកំណើតកូនក្នុងផ្ទៃ។ ជំងឺបានគំរាមកំហែងដល់ស្ត្រីមានផ្ទៃពោះ និងស្ត្រីដែលមានសុខភាពធម្មតា៕
ដោយ៖ ដារ៉ា
ប្រភព៖ បរទេស