មនុស្សស្រី
ត្រូវបានគេទទួលស្គាល់ថា ជាមនុស្សចូលចិត្តបើកចិត្តទូលាយ
និងចូលចិត្តនិយាយច្រើនជាងមនុស្សប្រុស។
ប៉ុន្តែអ្នកនឹងមានការភ្ញាក់ផ្អើល ពេលបានដឹងថា
មិនមែនមានតែមនុស្សប្រុសទេដែលមានរឿងត្រូវលាក់បាំង
តែមនុស្សស្រីវិញក៏មានរឿងអាថ៌កំបាំងដូចគ្នា។
អាថ៌កំបាំងរបស់មនុស្សស្រីគ្រប់រូប ដែលបុរសត្រូវដោះស្រាយឲ្យបាន។
ប៉ុន្តែមានមនុស្សប្រុសមួយចំនួនប៉ុណ្ណោះអាចទទួលជោគជ័យ។
ទោះបីជាយ៉ាងណាក៏ដោយ
វាមិនមែនជារឿងអ្វីគួរឲ្យស្មុគស្មាញដែលធ្វើឲ្យមនុស្សប្រុស
ពិបាកដោះស្រាយឡើយ។ ដូច្នេះ
ខាងក្រោមនេះជាអាថ៌កំបាំងមួយចំនួនរបស់មនុស្សស្រី
ដែលអាចអ្នកអាចជួយដោះស្រាយបាន៖
១. ចង់ឲ្យបុរសជាអ្នកចាប់ផ្តើមមុន
វាជារឿងមួយយ៉ាងសំខាន់។ នាងមិនចូលចិត្តមើលថែ, ធ្វើគម្រោង
និងធ្វើរឿងគ្រប់បែបយ៉ាងដោយខ្លួនឯងឡើយ។
នាងចង់ឲ្យបុរសជាអ្នកចាប់ផ្តើមមុន។ ទោះបីជាយ៉ាងណាក៏ដោយ
នាងនឹងមិនដែលប្រាប់ពីវាឡើយ អ្នកគួរតែដឹងថា
វាជារឿងសំខាន់ដែលអ្នកត្រូវអនុវត្តកិច្ចការពិបាកៗមួយចំនួន។
នៅពេលបុរសចាប់ផ្តើមមុន មានន័យថា
គាត់ជាអ្នករួមចំណែកក្នុងការយកចិត្តទុកដាក់ និងមើលថែនាង។
ធ្វើវាឲ្យបានច្រើន មិនថា ជារឿងអ្វីឡើយ របស់របរត្រូវទិញ,
រៀបចំអាហារពេលល្ងាច ឬរៀបចំគម្រោងសម្រាប់ថ្ងៃឈប់សម្រាក។
២. នាងចង់បានភាពភ្ញាក់ផ្អើលញឹកញាប់
មនុស្សស្រីគ្រប់រូបចូលចិត្តភាពភ្ញាក់ផ្អើលខ្លាំងណាស់
ដូច្នេះនាងចង់ឲ្យបុរសរបស់នាងបង្ហាញភាពឆ្នៃប្រឌិត
និងភាពភ្ញាក់ផ្អើលឲ្យបានញឹកញាប់តាមដែលអាចធ្វើទៅបាន។
ទោះបីវាជារឿងតូចតាចមិនសំខាន់ក៏ដោយ
តែវានឹងធ្វើឲ្យមនុស្សស្រីមានអារម្មណ៏ល្អ និងមានក្តីស្រឡាញ់។
នាងមិនត្រូវការកាដូថ្លៃៗអ្វីទេ គ្រាន់តែបង្ហាញការចាប់ផ្តើមមុន,
ក្តីព្រួយបារម្ភ និងក្តីស្រឡាញ់យ៉ាងជ្រាលជ្រៅចំពោះនាងទៅ
វាពិតជាមានតម្លៃបំផុតសម្រាប់នាងហើយ។ គ្មានអ្វីត្រូវលំបាកឡើយ
គ្រាន់តែបើកចិត្តឲ្យទូលាយ ហើយចេះមើលថែនាង។
នៅពេលនាងបានដឹងការពិតថា
សមត្ថភាពមួយចំនួនរបស់អ្នកធ្វើឲ្យនាងមានក្តីសុខ
នោះអ្នកនឹងទទួលបានរង្វាន់ឆាប់ៗពីនាងជាមិនខាន។
៣. នាងខ្លាចនារីផ្សេងមកចាប់យកគូស្នេហ៏នាងកាន់តែច្រើនឡើង
វាជាអាថ៌កំបាំងនៃភាពភ័យខ្លាចមួយរបស់មនុស្សស្រី
ដែលខ្លាចមិត្តរួមការងារ
ឬមិត្តភក្តិស្រីៗទាក់ទាញយកគូស្នេហ៏នាងទៅបាត់។ ហេតុផលតែម្យ៉ាងគត់
គឺនាងចង់បានអ្វីមួយដែលនាងមិនអាចមាន។
៤. នាងចង់ឲ្យគូស្នេហ៏ស្មោះសនឹងនាង
មនុស្សគ្រប់រូបមិនថា អ្នកណាៗទេ
តែងតែចង់ឲ្យគូស្នេហ៏របស់ខ្លួនបើកចិត្តឲ្យទូលាយ
និងស្មោះសចំពោះខ្លួនជានិច្ច។
គ្មានអ្នកណាចង់បានមនុស្សល្បិចច្រើនឡើយ។ ហើយប្រាកដណាស់
មនុស្សស្រីគ្មានការលើកលែងឡើយ។ នាងអាចអត់ទោសឲ្យបានគ្រប់រឿង
ប៉ុន្តែលើកលែងរឿងមួយ គឺការកុហក។ មិនថាស្ថានភាពមិនទាក់ទង
ឬកំហុសឆ្គងរបស់អ្នកអាក្រក់បែបណាទេ នាងនៅតែចង់លឺអ្នក
និងចង់ជួយដោះស្រាយបញ្ហាដល់អ្នកជានិច្ច។
៥. នាងកត់សម្គាល់ និងព្យាយាមយល់ពីភាសាកាយវិការ
មនុស្សស្រីត្រូវបានគេដឹងថា មានវិញ្ញាណទី៦
ជាពិសេសនៅពេលមានទំនាក់ទំនងស្នេហា។ នាងតែងតែកត់សម្គាល់
ហើយវិភាគរឿងលម្អិតគ្រប់យ៉ាងពីអ្នកដទៃ
ហើយរួមទាំងភាសាកាយវិការគូស្នេហ៏របស់នាង។
ដូច្នេះជាធម្មតាដឹងពីអារម្មណ៏គូស្នេហ៏នាងចំពោះមិត្តរួមការងារ
ដែលនាងមិនដែលបានជួប។ នៅពេលនាងសង្ស័យរឿងអ្វីមួយ
រឿងនោះតែងតែរំខានដល់នាង ទោះបីជានាងមិនបានដឹងថា
អ្វីឲ្យពិតប្រាកដដែលរំខាននាងក៏ដោយ។
ហើយប្រសិនបើមនុស្សស្រីសង្ស័យពីរឿងអ្វីមួយហើយ
នាងនឹងមានភាពក្រៀមក្រំក្នុងចិត្តនៅពេលគូស្នេហ៏នាងមិនចំណាយ
ពេលវេលាជាមួយនាង នៅតែក្នុងការិយាល័យធ្វើការ។
៦. នាងយល់ពីពេលវេលារបស់មនុស្សប្រុស
នេះជារឿងសម្ងាត់មួយ
ដែលមានតែមនុស្សប្រុសមួយចំនួនប៉ុណ្ណោះបានដឹង។
មនុស្សស្រីជាច្រើនយល់ពីពេលវេលារបស់មនុស្សប្រុស។
នាងយល់យ៉ាងច្បាស់ថា ស្វាមីរបស់នាង,
មិត្តភក្តិរបស់ស្វាមីនាងត្រូវការពេលវេលាខ្លះជាមួយគ្នា
ហើយវាក៏ជារឿងចាំបាច់មួយដែលពួកគេត្រូវចំណាយពេលវេលាជាមួយគ្នា
មើលការប្រកួតបាល់, ផឹកស្រាបៀ ឬលេងប្រភេទកីឡាផ្សេងៗ។
បញ្ហាតែមួយគត់កើតឡើង នៅពេលនាងខ្វះការយកចិត្តទុកដាក់
ស្វាមីរបស់នាងផ្តោតតែទៅលើការចំណាយពេលវេលាជាមួយមិត្តភក្តិ។
៧. នាងចង់ឲ្យមិត្តភក្តិរបស់ស្វាមីនាងចូលចិត្តនាង
គ្មានមនុស្សស្រីណាហ៊ាននិយាយរឿងបែបនេះចេញទេ។
មិត្តភក្តិស្វាមីនាងពិតជាសំខាន់សម្រាប់ស្វាមីរបស់នាង
ដូច្នេះនាងចង់ឲ្យពួកគេចូលចិត្តនាង។ មានន័យថា
នាងចង់ឲ្យគេបានដឹងថា នាងស្រឡាញ់ស្វាមីរបស់នាង
ហើយចង់ឲ្យគេដឹងថា ស្វាមីនាងសង្ហារប៉ុណ្ណា។
ទំនោរបែបនេះក៏អាចជួយឲ្យគេចចេញពីជម្លោះ
ប្រសិនបើនាងមិនចូលចិត្តមិត្តភក្តិស្វាមីរបស់នាង។
៨. នាងត្រូវការពេលវេលាផ្ទាល់ខ្លួន
ប្រសិនបើនាងនិយាយថា នាងត្រូវការពេលវេលាផ្ទាល់ខ្លួន
មិនមែនមានន័យថា នាងមិនចង់ឃើញអ្នក
ហើយចង់ឲ្យអ្នកបើកឡានចេញទៅក្រៅអស់រយៈពេលជាច្រើនម៉ោងឡើយ។
នាងគ្រាន់តែចង់ឲ្យអ្នកយល់ចិត្តនាង។ មិត្តស្រី
ឬភរិយារបស់អ្នកចង់ឲ្យអ្នកបានដឹងថា នាងជាមនុស្សសំខាន់
ហើយចង់ឲ្យអ្នកដឹងពីអត្ថន័យដែលនាងបាននិយាយមកកាន់អ្នក។
៩. នាងចង់ឲ្យអ្នកស្មោះត្រង់នឹងនាង
មនុស្សស្រីគ្រប់រូបចង់ឲ្យគូស្នេហ៏ស្មោះត្រង់នឹងខ្លួន។
ដូច្នេះ ប្រសិនបើភរិយារបស់អ្នកស្លៀកពាក់ខោអាវនោះមើលទៅធាត់
កុំនៅតែនិយាយថា "អូនមើលទៅស្អាតណាស់”។
មនុស្សស្រីតែងតែបានដឹងពីរូបរាងរបស់នាងជានិច្ច។
កុំខ្លាចនឹងនិយាយថានាងធាត់ច្រើន ប៉ុន្តែនៅតែស្អាត។
ត្រូវបង្ហាញឲ្យនាងឃើញថា អ្នកស្រឡាញ់នាង ព្រោះតែនាងជានាង។
អ្នកអាចនាំនាងទៅហាត់ប្រាណជាមួយគ្នា។
នាងនឹងសរសើរនូវភាពស្មោះត្រង់របស់អ្នកជាក់ជាពុំខាន៕
ដោយ៖ ដារ៉ា
ប្រភព៖មង្គលការ