ការចំណាយលើ
អ្វីតាមចិត្តខ្លួនឯង, ការដើរទិញឥវ៉ាន់, ការសន្សំលុយផ្ទាល់ខ្លួន…
គឺជារឿងរ៉ាវដែលគូស្វាមីភរិយាមិនចង់ចែករំលែកឲ្យគ្នាបានដឹងនោះ
ទេ។ នៅក្នុងជីវិតអាពាហ៏ពិពាហ៏ តម្លាភាពនៃហិរញ្ញវត្ថុពិតជាសំខាន់។
ទោះបីជាយ៉ាងក៏ដោយ
មានការចំណាយខ្លះដែលគូស្វាមីភរិយាមិនចង់ឲ្យអ្នកដទៃបានដឹង។
ភរិយាតែងតែព្យាយាមលាក់ស្វាមីយកលុយទៅទិញគ្រឿងសម្អាង
សម្លៀកបំពាក់ជាដើម
ឯស្វាមីវិញមិនហ៊ានដកលុយដើម្បីចំណាយលើការចូលរួមផឹកស៊ីជាមួយ
មិត្តភក្តិឡើយ។
ការចំណាយតិចតួច
អ្នកស្រី Hilary Chandler មកពីរដ្ឋ Colorado បានមានប្រសាសន៏ថា៖
ស្វាមីរបស់នាងមិនយល់ថា
ហេតុអ្វីបានជានាងតែងតែចំណាយលុយទិញទស្សនាវដ្តីឥតឈប់ឈរ។
ប៉ុន្តែវាគឺជាទម្លាប់របស់នាង ដូច្នេះជារៀងរាល់សប្តាហ៏
នាងតែងតែដកលុយចេញពីកាបូបដើម្បីទិញទស្សនាវដ្តីមកអាន
ហើយទុករឿងស្វាមីរបស់នាងមួយឡែក។ ប្រាកដណាស់
ស្វាមីរបស់ខ្ញុំនឹងខឹងជាក់ជាពុំខាន
ប្រសិនបើគាត់បានដឹងពីការចំណាយលើទស្សនាវដ្តីប្រចាំសប្តាហ៏របស់
ខ្ញុំ។ មនុស្សគ្រប់រូបតែងតែមានទម្លាប់ប្រចាំខ្លួន
ដែលមិនអាចពន្យល់បាន។
ប្រសិនបើរឿងបែបនេះមិនកើតឡើងចំពោះជីវិតអ្នកទេ
នោះអ្នកនឹងធ្វើអ្វីយ៉ាងសម្ងាត់។
ទិញរបស់ផ្ទាល់ខ្លួន
អ្នកស្រី Wanda Sealy មកពីអាត្លង់ទិចបាននិយាយថា
ស្វាមីរបស់នាងស្រលាញ់ស្បែកជើងខ្លាំងណាស់។
ប៉ុន្តែវាជាកំហុសឆ្គងធំបំផុតរបស់ស្វាមីនាង ដែលបានស្រែកឲ្យនាង
ពេលទិញស្បែកជើងថ្លៃៗឲ្យគាត់។ គាត់សម្លឹងមើលមកភ្នែករបស់ខ្ញុំ
ហើយនិយាយថា៖ «អូនដឹងទេ ថាពេលនេះយើងកំពុងសន្សំសំចៃលុយ ?»។
ក្នុងពេលនោះដែរ ខ្ញុំមានអារម្មណ៏ថា
ខ្ញុំបានធ្វើរឿងមួយខុសយ៉ាងខ្លាំង។ ចាប់ពីពេលនោះមក អ្នកស្រី Wanda
មិនដែលនិយាយប្រាប់ការពិតពីតម្លៃស្បែកជើងដែលនាងបានទិញឲ្យ
ស្វាមីនាងឡើយ។
ការសន្សំប្រាក់ផ្ទាល់ខ្លួន
គូស្វាមីភរិយាជាច្រើនក្រោយពេលលែងលះគ្នា
ភរិយាតែងតែចេញទៅវិញដោយដៃទទេ
ព្រោះគ្មានអ្វីជាសម្បត្តិផ្ទាល់ខ្លួនរបស់នាងឡើយ។
នេះនឹងធ្វើឲ្យភរិយាគ្រប់រូបពិបាកនឹងរស់នៅម្នាក់ឯង។ ដូច្នេះ
ធ្វើឲ្យគូស្វាមីភរិយានាំគ្នាប្រម៉ែប្រមូលទ្រព្យសម្បត្តិផ្ទាល់
ខ្លួនដោយមិនឲ្យអ្នកដទៃបានដឹងឡើយ។
ការធ្វើបែបនេះនឹងកើតមានរឿងអាក្រក់នៅថ្ងៃអនាគតមិនខាន។
ឲ្យប្រាក់ទៅសាច់ញាតិខ្ចី
ពេលខ្លះ
គូស្វាមីភរិយានៅតែមានការលាក់លៀមគ្នាពីការឲ្យប្រាក់ទៅមនុស្ស
ដែលពួកគេស្រលាញ់ខ្ចី។
លុយនេះមិនមែនជារឿងធំដែលចាំបាច់ត្រូវពិភាក្សាជាមួយអ្នកដទៃឡើយ
ប៉ុន្តែអ្វីដែលសំខាន់ជាងនេះ
ពួកគេមិនចង់ឲ្យអ្នកដទៃវាយតម្លៃបងប្អូនរបស់ពួកគេតែប៉ុណ្ណោះ។
គ្មានអ្នកណាម្នាក់សប្បាយចិត្តនឹងលឺពាក្យចេញពីមាត់អ្នកដទៃថា៖
«អូ! បងប្រុស/ប្អូនរបស់វា ធ្លាប់បានមកសុំខ្ចីលុយ
តែវាមិនដែលឲ្យសងសោះ»។
ដើរទិញរបស់កាលពីនៅក្មេងៗ
មានដែលចាំរឿងកាលពីអតីតកាលដែរទេ
មានពេលមួយដែលអ្នកបានទៅផ្សារទិញសម្លៀកបំពាក់ស្អាតៗជាច្រើន
តែអ្នកមិនទាន់បានសុំការអនុញ្ញាតិពីឪពុកម្តាយឡើយ។ ជាការពិតណាស់
វាមិនមែនជាការចំណាយដែលចាំបាច់នោះទេ
ហើយក៏មិនមែនជារឿងមួយត្រឹមត្រូវឡើយ។
អ្នកតែងតែមិនពេញចិត្តនៅពេលឪពុកម្តាយអ្នកបានទិញរបស់ដែលអ្នក
មិនត្រូវការ ឬរបស់គ្មានតម្លៃឲ្យអ្នក៕
ដោយ៖ ដារ៉ា
ប្រភព៖មង្គលការ