ចេកជាប្រភេទផ្លែឈើម្យ៉ាង ដែលគេពេញនិយមប៉ុណ្ណោះទេ វាថែមទាំងមានផ្ទុកនូវសារធាតុចិញ្ចឹមសំខាន់ៗសម្រាប់រាងកាយផងដែរ។ ដូច្នេះអ្នកគួរមានទម្លាប់ទទួលទានចេកជាប្រចាំ ដើម្បីរក្សាសុខភាពរាងកាយឲ្យបានរឹងមាំ។ កុំមានការភ្ញាក់ផ្អើលនឹងប្រភេទផ្លែចេកនេះ ព្រោះមានប្រទេសដែលធំជាងគេទី ៤ នៅលើពិភពលោក បានដាំដុះផ្លែចេក ២៨ លានតោនពាសពេញប្រទេសក្នុង ១ ឆ្នាំៗ។
សម្បូរជាតិសរសៃ
យោងតាមសមាគមន៏សហរដ្ឋអាមេរិចបានឲ្យដឹងថា ចេកមួយផ្លែមានផ្ទុកនូវជាតិសរសៃ ៣.៥ក្រាម បើគិតទៅមានជាតិសរសៃច្រើនជាង ១០ ភាគរយ ដែលមនុស្សពេញវ័យត្រូវការក្នុង ១ ថ្ងៃៗ។ បរិមាណជាតិសរសៃគ្រប់គ្រាន់អាចផ្តល់អត្ថប្រយោជន៏ជាច្រើនដូចជា៖ កាត់បន្ថយជំងឺសរសៃឈាមបេះដូង, ទឹកនោមផ្អែម និងការទល់លាមក។ ផ្លែចេក មានផ្ទុកនូវជាតិសរសៃខ្ពស់ ដែលអាចជួយផ្តល់ជាតិសរសៃដល់រាងកាយក្នុងរយៈពេលយូរ ហើយជាធម្មតាផ្លែចេកនេះមិនបណ្តាលឲ្យយើងឈឺឡើយ។
បរិមាណសារធាតុប៉ូតាស្យូមខ្ពស់
ចេកមួយផ្លែផ្ទុកនូវសារធាតុប៉ូតាស្យូម ៤៨៧ មីលីក្រាម។ សារធាតុប៉ូតាស្យូមប្រហែល ១០ ភាគរយ ផ្តល់ឲ្យរាងកាយជាប្រចាំ។ ការមានសារធាតុប៉ូតាស្យូមគ្រប់គ្រាន់ពិតជាសំខាន់សម្រាប់សុខភាព ព្រោះវាអាចជួយដល់សរសៃឈាមបេះដូង, ជួយដល់សុខភាព និងមុខងាររបស់សាច់ដុំ, ស្រូបយកសារធាតុពុលពីរាងកាយ។ ស្របពេលជាមួយគ្នានេះដែរ ផ្លែទំពាំងបាយជូរមានផ្ទុកនូវសារធាតុប៉ូតាស្យូម ១៧ ៥មីលីក្រាម។
វីតាមីនជាច្រើន
ផ្លែចេកក៏បានផ្តល់នូវវីតាមីនជាច្រើនដូចជា៖ វីតាមីន C, វីតាមីន B6 និងសារធាតុខនិជរបស់ធាតុម៉ង់កាណែស។ វីតាមីន C អាចជួយការពារជំម្ងឺមហារីក, កាត់បន្ថយជំងឺបេះដូង និងដើរតួនាទីជួយព្យាបាលដំបៅ។ វីតាមីន B6 មានសារៈសំខាន់ចំពោះប្រូតេអ៊ីននៃមេតាប៉ូលីស។ ធាតុម៉ង់កាណែសមានសារៈសំខាន់ចំពោះដំណើរការរំលាយជាតិស្ករ, ខ្លាញ់ និងប្រូតេអ៊ីនក្នុងរាងកាយ។
សម្បូរសារធាតុចិញ្ចឹម
ចេកមានផ្ទុកថាមពល ១២០កាឡូរី ដែលជាប្រភេទអាហារសម្បូរទៅដោយសារធាតុចិញ្ចឹម។ អ្នកអាចទទួលទានចេកទាំងស្រស់ ឬចេកហាល និងចេកខ្ចីដែលគេយកមកស្លរ។ ចេកហាលលាយជាមួយនំសណ្តែកដី ដែលធ្វើពីស្រូវសាលី, សណ្តែកដី, ទឹកឃ្មុំ និងអង្ករបន្តិច ហើយលាយជាមួយប៊័រសណ្តែកដី។ ចេកជាប្រភេទអាហារសម្រន់ថ្ងៃត្រង់ដែលសម្បូរទៅដោយប្រូតេអ៊ីន៕
ដោយ៖ ដារ៉ា
ប្រភព៖ បរទេស