មានហេតុផលមួយចំនួនដែលធ្វើឲ្យអ្នកចង់រក្សាទុកអាហារ ដោយមិនប្រើទូរទឹកកក។ ប្រសិនបើអ្នកគ្មានប្រាក់គ្រប់គ្រាន់ក្នុងការចំណាយប្រាក់ក្នុងការប្រើទូរទឹកកកទេនោះ អ្នកអាចធ្វើការរក្សាអាហារដោយប្រើវិធីសាស្ត្រផ្សេងបាន។ រឿងដែលសំខាន់នោះ គឺការរក្សាសាច់ និងផលិតផលប្រចាំថ្ងៃ ពិតជាមិនអាចរក្សាទុកបើគ្មានទូរទឹកកក។ តែទោះបីជាយ៉ាងណាក៏ដោយ យើងអាចរក្សាទុកផ្លែឈើ បន្លែ និងគ្រឿងផ្សំប្រើប្រាស់ប្រចាំថ្ងៃបាន។ អត្ថបទខាងក្រោមនេះនឹងបង្ហាញដល់អ្នកពីវិធីរក្សាទុកអាហារ ដោយមិនចាំបាច់ប្រើទូរទឹកកក។ វិធីរក្សាទុកអាហារទាំងនេះមិនធ្វើឲ្យអាហារបាត់បង់គុណភាព។
ត្រាំទឹក
វិធីល្អដើម្បីរក្សាទុកបន្លែ និងអាហារផ្សេងៗដោយការដាក់ត្រាំក្នុងទឹក។ បើមានទឹកត្រជាក់កាន់តែល្អ។ បន្លែនឹងមិនបាត់បង់គុណភាពឡើយនៅពេលដាក់ក្នុងទឹក។ ទោះបីជាយ៉ាងណាក៏ដោយ អ្នកត្រូវយកវាមកធ្វើជាអាហារឲ្យអស់ក្នុងរយៈពេល ២-៣ថ្ងៃ បន្ទាប់ ព្រោះការរក្សាទុកបែបនេះមិនអាចធ្វើឲ្យវានៅស្រស់បានយូរទេ។
ដាក់សម្តិលហាលខ្យល់
នេះជាវិធីមួយទៀត ដើម្បីរក្សាអាហារទុកដោយមិនប្រើទូរទឹកកក។ អ្នកអាចរក្សាទុកអាហារដោយដាក់សម្តិល។ ការដាក់សម្តិលអាចរក្សាអាហារឲ្យនៅស្រស់បានច្រើនម៉ោង។ ការដាក់អាហារនៅមាត់បង្អួចក៏ជាវិធីល្អដែរ។
ត្រាំទឹកកក
ការរក្សាទុកអាហារនៅក្នុងទឹកកក នឹងអាចជួយរក្សាឲ្យវានៅស្រស់បានយូរ។ អ្នកអាចរកទិញធុងទឹកកកបាននៅផ្សារដែលនៅជិតផ្ទះអ្នក។ អ្នកត្រូវចំណាយប្រាក់តិច ហើយមានប្រសិទ្ធិភាពក្នុងរក្សាទុកអាហារ។ វាមិនត្រឹមតែអាចដាក់ផ្លែឈើ និងបន្លែដើម្បីក្លាសេប៉ុណ្ណោះទេ តែក៏អាចដាក់ប្រភេទអាហារផ្សេងៗទៀតបានដែរ។
ហាលថ្ងៃ
អាហារមួយចំនួនអាចរក្សាទុកបានដោយការដាក់ហាលក្រោមកម្តៅព្រះអាទិត្យ។ ប៉ុន្តែវិធីសាស្ត្រមួយនេះអាចសម្រាប់តែប្រភេទអាហារមួយចំនួនតែប៉ុណ្ណោះ មិនមែនសម្រាប់ផ្លែឈើនិងបន្លែឡើយ៕
ដោយ៖ ដារ៉ា
ប្រភព៖ បរទេស