ការកើតមុនមិនត្រឹមតែបណ្តោលមកពីបញ្ហាអនាម័យនៅលើស្បែកមួយមុខនោះទេ គឺអាចបណ្តោលមកពីផ្នែកផ្សេងទៀតនៃរាងកាយរបស់យើងដូចជា ថ្លើម, ប្រមាត់ ឬអ័រម៉ូនជាដើម។
១. តំបន់ខាងលើរោមចិញ្ចើម៖ ប្រសិនបើមុននៅលើស្បែករបស់អ្នកកើតមានឡើងដោយមិនមែនជាប្រតិកម្មរបស់ឡេ គឺវាបណ្តោលមកពីប្រតិបត្តិការរបស់ ម្រមាត់ និងថ្លើម។ ដើម្បីព្យាបាលជំងឺមុន និងការពារការកើតឡើងវិញ អ្នកត្រូវកំណត់ប្រភេទអាហារ, កាត់បន្ថយបរិមាណនៃជាតិខ្លាញ់ នៅក្នុងរបបអាហារ។
២. តំបន់នៅចន្លោះចិញ្ចីម៖ មុននៅចន្លោះចិញ្ចើមអាចកើតមានឡើងដោយសារតែអ្នកជក់បារី ឬក៏ការញ៉ាំទឹកដោះគោច្រើនពេក។ ចូលកាត់បន្ថយការញ៉ាំប័រ, ប្រហុក, រួមទាំងអាហារពេលយប់។ រឿងមួយទៀតអ្នកត្រូវបញ្ចូលការហាត់ប្រាណ និងគេងបន្ថែមដើម្បីកែលម្អស្ថានភាពនៃស្បែក។
៣. តំបន់ច្រមុះ៖ ការកើតមុននៅតំបន់ច្រមុះ អាចមានការទាក់ទងយ៉ាងជិតស្និតជាមួយនឹងបញ្ហាសួត ព្រមទាំងបេះដូង។ ការព្យាបាលរោគមុន អ្នកត្រូវការកាត់បន្ថយអាហារដែលមានរស់ជាតិហិរ និងសាច់ដែលមានក្លិនអាក្រក់ ហើយជំនួសមកវិញនូវផ្លែឈើ និងបន្លែបន្ថែមដើម្បីគាំទ្រដល់សុខភាពដូចជា៖ អូមេហ្គា ៣ និងអូមេហ្គា៦, វីតាមីន B ក៏អាចជួយការពារការកើតមុននៅចំច្រមុះឡើងវិញដែរ។
៤. តំបន់ថ្ពាស់ខាងឆ្វេង៖ មុនដែលកើតមានឡើងនៅថ្ពាល់ខាងឆ្វេង គឺជាសញ្ញាដែលបណ្តោលមកពីថ្លើមមានអាការៈក្តៅ។ ដូច្នេះហើយអ្នកមិនគួរបន្ថែមសម្ពាធតាមរយៈអាហារដល់ថ្លើមទៀតទេ ព្រោះចាប់ពីម៉ោង ១ ទៅ ៥ ល្ងាច គឺជាពលវេលាដែលមុខងារនៃថ្លើមត្រូវចុះខ្សោយជាងគេ។
៥. តំបន់ថ្ពាល់ខាងស្តាំ៖ មុនដែលកើមានឡើងនៅផ្នែកខាងស្តាំគឺបណ្តោលមកពីក្រិតនៃជាតិស្ករដែលលើសនៅក្នុងរាងកាយ។ នេះជាសញ្ញាដំបូងដែលរំលឹកថា អ្នកគួរតែពិនិត្យមើលការប្រមូលផ្តុំនៃអាំងស៊ុយលីននៅក្នុងឈាម ហើយត្រូវលៃតម្រូវទៅតាមរបបអាហារប្រចាំថ្ងៃដើម្បីជៀសវាងហានិភ័យនៃជំងឺទឹកនោមផ្អែម។ ដូច្នេះហើយអ្នកគួរតែធ្វើការកាត់បន្ថយជាតិស្ករនៅក្នុងអាហារ, អាហារសមុទ្រ, ស្រាបៀរ និងស្រា...។
៦. តំបន់ជំុវិញមាត់៖ តំបន់ជុំវិញមាត់ជាតំណភ្ជាប់យ៉ាងជីតស្និទ្ធទៅនឹងសរីរាង្គរំលាយអាហារ។ មុនដែលកើតមានឡើងនៅតំបន់នេះ អាចបណ្តោលមកពីរបបអាហារមិនសមរម្យ ឬអាហារដែលទុកយូរ។ ដូច្នេះអ្នកត្រូវកម្ចាត់ចោលនូវអាហារច្រៀន ឬអាហារដែលមានជាតិខ្លាញ់ ហើយត្រូវប្តូរមកញ៉ាំផ្លែឈើ និងបន្លែប្រចាំថ្ងៃវិញ។
៧. តំបន់ចង្កា៖ មុនដែលកើតមានឡើងនៅតំបន់នេះគឺបណ្តោលមកពីភាពតានតឹងយូរ ដែលធ្វើឲ្យមានការរំខានដល់អ័រម៉ូនជាហេតុធ្វើឲ្យកើតមុន។ ដើម្បីបញ្ជាសការកើតមុនអ្នកគួរតែផឹកតែជីអង្កាម និងអូមេហ្គា ៣ បើមិនដូច្នោះអ្នកអាចទៅជួបអ្នកជំនាញធ្វើការព្យាបាល ដើម្បីឲ្យអ័រម៉ូនរបស់អ្នកមានតុល្យភាព៕
ដោយ៖ មង្គលការ
ប្រភព៖ បរទេស