អ្នកប្រាកដជាដឹងហើយថា ធ្មេញមានអត្ថប្រយោជន៏យ៉ាងណា។ ពេលដែលអ្នកមានបញ្ហាធ្មេញ អ្វីដែលអ្នកពិបាកបំផុតនោះគឺ ការបរិភោគអាហារ។ បើអ្នកបរិភោគអាហារមិនបាននោះ អ្នកគ្មានកម្លាំងក្នុងការបំពេញការងារទេ។ យោងទៅតាម អ្នកជំនាញម្នាក់បានឲ្យដឹងថា នៅពេលអ្នកជញ្ជក់ផ្លែក្រូចក៏មានប្រតិកម្មដល់ធ្មេញដែរ នោះសឲ្យឃើញថា ធ្មេញរបស់អ្នកកំពុងតែជួបបញ្ហាហើយ។ សូម្បីតែពេលអ្នកខាំក្រចកដែលរឹងក៏ធ្វើឲ្យធ្មេញរបស់អ្នកខូចដែល ចុះទម្រាំតែអ្នកបរិភោគអាហារដែលមិនល្អទៀតនោះ? ភាពងាយស្រួល ដើម្បើដឹងពីអាហារណាដែលមិនល្អសម្រាប់ធ្មេញគឺមាននៅទីនេះ។
១. ទឹកកក
ការទំពារសារធាតុរឹងមួយចំនួន ដូចជាទឹកកក អាចធ្វើឲ្យធ្មេញឈឺ និងធ្វើឲ្យធ្មេញខូច។
២. ទឹកក្រូច
ជាធម្មតា ការបរិភោគភេសជ្ជៈរសជាតិក្រូចធ្វើឲ្យធ្មេញបស់អ្នកមានភាបស្រអាប់ ហើយជាតិអាស៊ីតនៅក្នុងភេសជ្ជៈក៏ធ្វើឲ្យធ្មេញពុកដែរ។
៣. កាហ្វេ
ការបរិភោគកាហ្វេ និងតែញឹកញាប់ធ្វើឲ្យមានស្នាមប្រឡាក់ដល់ធ្មេញ។ នៅពេលដែលឃើញធ្មេញបែបនេះ អ្នកប្រាដកជាលាងសម្អាតដោយប្រើសារធាតុកាត់អ្វីមួយដើម្បីឲ្យធ្មេញសវិញ។ សារធាតុនោះហើយដែលធ្វើឲ្យអញ្ចាញធ្មេញរលុង។
៤. អាហារស្អិត
ពេលដែលអ្នកញ៉ាំអាហារដែលស្អិត គឺវាធ្វើឲ្យស្អិតជាប់នៅនឹងធ្មេញរបស់អ្នក។ កាលដែលអ្នកមិនបានសម្អាតវាឲ្យបានល្អនោះទេ មួយរយះពេលក្រោយមកធ្មេញរបស់អ្នកនឹងមានបញ្ហាអ្វីមួយជាក់ជាមិនខាន។
៥. អាហារស្រួយ
អាហារស្រួយមានច្រើនប្រភេទណាស់ ប៉ុន្តែអាហារស្រួយដែលឆ្ងាញ់ជាងគេនោះ គឺដំឡូងបារាំងចៀន។ អ្នកត្រូវដឹងថា អាហារដែលស្រួយ គឺមានជាតិម្សៅ។ ជាតិម្សៅគឺធ្វើឲ្យធ្មេញពុកបាន។
៦. ភេសជ្ជៈដែលមានពពុះច្រើន
ជាធម្មតាការបរិភោគភេសជ្ជៈ ដែលមានពពុះច្រើនអាចនាំឲ្យមានហានិភ័យខ្ពស់នៃការធ្វើឲ្យធ្មេញពុក។
៧. ជាតិអាកុល
មនុស្សដែលពិសាស្រាច្រើន ជាធម្មតាក៏មានឥទ្ធិពលទៅលើធ្មេញដែរ។ វាអាចបង្កឲ្យធ្មេញពុក និងមានការឆ្លងមេរោគមួយផ្សេងទៀត។ ក្នុងកំឡុងពេលនៃការពិសាយូរៗទៅអាចបង្កឲ្យមានជំងឺមហារីកមាត់។
៨. ភេសជ្ជៈប៉ូវកម្លាំង
ភេសជ្ជៈប៉ូវកម្លាំង និងភេសជ្ជៈដែលផ្តល់ថាមពល គឺពេញនិយមនៅពេលដែលអ្នកកំពុងបំពេញការងារ។ ប៉ុន្តែ វត្តមាននៃជាតិស្ករនៅក្នុងភេសជ្ជៈនេះច្រើនហួសអាចបំផ្លាញនូវធ្មេញដ៏ស្រស់ស្អាតរបស់អ្នក។
៩. ផ្លែប៉ោម
បច្ចុប្បន្នសូម្បីតែផ្លែប៉ោមក៏មានជាតិអាស៊ីតដែរ។ ជាតិអាស៊ីតនេះធ្វើឲ្យមានប្រតិកម្មមិនល្អចំពោះសាច់ដែលនៅជាប់នឹងធ្មេញ។
១០. ជ្រក់ (របស់ដែលត្រាំ)
ជ្រក់ធ្វើឲ្យធ្មេញខូចដោយសាតែ ដាក់ទឹកខ្មេះ ហើយពេលខ្លះមានមេស្ករ ។ បើអាចសូមអ្នកកាត់បន្ថយគ្រឿងផ្សំទាំងនេះទៅ។ តាមពិតទៅបន្លែជ្រក់គឺល្អ ប៉ុន្តែទឹកអំបិលគឺមានផលប៉ះពាល់ដល់ធ្មេញ។
១១. នំបុ័ង
នំបុ័ង គឺមានផ្ទុកនូវជាតិផ្អែម។ ប្រសិនបើអ្នកមិនបានសម្អាតធ្មេញរបស់អ្នកបន្ទាប់ពីញ៉ាំហើយនោះ ជាតិស្ករនឹងបង្កជាបាក់តេរីក្នុងមាត់ ហើយធ្វើឲ្យប៉ះពាល់ដល់ធ្មេញ។
១២. ដំណាប់ផ្លែឈើ ឬចាហួយ
អាហារទាំងពីរប្រភេទ គឺមិនល្អសម្រាប់សុខភាពធ្មេញរបស់អ្នកទេ។ វាផ្ទុកនូវជាតិស្ករ និងសារធាតុស្អិតដែលបង្កឲ្យធ្មេញជួបនឹងបញ្ហា។
១៣. សាច់
ជាការពិតណាស់ សាច់គឺមានអត្ថប្រយោជន៏ចំពោះសុខភាព ប៉ុន្តែមិនមែនចំពោះធ្មេញទេ។ អ្នកនឹងជួបវិបត្តិមួយ នៅពេលដែលសាច់ជាប់នៅនឹងធ្មេញរបស់អ្នក ហើយមិនបានសម្អាតវាចេញ បើអ្នកចង់ញ៉ាំសាច់ហើយមិនឲ្យប៉ះពាល់ដល់ធ្មេញរបស់អ្នក អ្នកត្រូវសម្អាតធ្មេញឲ្យបានស្អាត៕
ដោយ៖ យូរី