មនុស្សស្រីមួយក្រុមទៅចូលរួមពិធីនៅពេលរាត្រីក្នុងទីក្រុង នោះអ្នកនឹងបានលឺពួកគេកំពុងខ្សឹបខ្សៀវគ្នាអំពីបុរសៗដែលពាក់ខ្សែកមាស ឬបុរសៗដែលទំពារអាហារលឺៗ ឆ្ងល់ដែរហេតុអ្វីបានជាមាត់របស់ពួកគេមិនចេះនៅស្ងៀមសោះចឹង? ប៉ុន្តែតើអ្នកធ្លាប់ដែលគិតដែរទេ អំពីទស្សនៈរបស់ពួកគេទាំងនេះ? ខាងក្រោមនេះជាកំហុសឆ្គងនៃសម្រស់ ១០យ៉ាងដែលធ្វើឲ្យបុរសៗចង់ទៅរកអ្នកផ្សេង។ កុំធ្វើឲ្យមានកំហុសឆ្គងក្នុងការតុបតែងមុខរបស់អ្នកដែលគិតថា វាអស្ចារ្យ ប៉ុន្តែធ្វើឲ្យបុរសៗចង់ទៅរកអ្នកផ្សេងហើយបំភ្លេចអ្នកចោល។
១. បាញ់ទឹកអប់ខ្លាំងពេក
ក្លិនទឹកអប់អាចធ្វើឲ្យបុរសចង់នៅស្និទ្ធិនឹងអ្នក។ ប្រសិនគាត់មិនអាចនៅក្បែរអ្នក បណ្តាលមកពីអ្នកប្រើទឹកអប់ខ្លាំងពេក។ លើសពីនេះទៀត បុរសៗចូលចិត្តគិតថា ក្លិនទឹកអប់របស់អ្នកគឺសម្រាប់តែពួកគេម្នាក់គត់ ហើយក្លិនមិនសាយភាយដល់អ្នករាល់គ្នាក្នុងបន្ទប់។ កុំបាញ់ទឹកអប់ច្រើនពេក។ ព្យាយាមបាញ់ទឹកអប់ពី ៣ទៅ ៤ដងពិតជាគ្រប់គ្រាន់, បាញ់នៅក្រោយត្រចៀកម្ខាងៗ, នៅលើកដៃ និងក្រោយជង្គង់ទាំងពីររបស់អ្នក។
២. ពណ៌ត្របកភ្នែក និងបបូរមាត់ស្រដៀងគ្នា
ប្រសិនបើអ្នកគូរត្របកភ្នែកដិតពេក មិនសូវស្អាតឡើយ។ ការដាក់ពណ៌លើបបូរមាត់ខុស។ ដើម្បីឲ្យត្របកភ្នែកស្អាត អ្នកគួរជ្រើសរើសពណ៌ឲ្យបានត្រឹមត្រូវ។
៣. ស្រមោលភ្នែកពណ៌ទឹកប្រាក់
ស្រមោលភ្នែកពណ៌ទឹកប្រាក់អាចជួយលាក់បាំងភាពជ្រីវជ្រួញ។ អ្នកអាចធ្វើដូចនេះបានប្រសិនបើអ្នកឋិតក្នុងវ័យជំទង់ ប៉ុន្តែបន្ទាប់ពីនេះ វាជាពេលដែលអ្នកត្រូវផ្លាស់ប្តូរពណ៌ចែងចាំងចេញ។ អ្នកមិនគួរចំណាយប្រាក់ទៅលើក្រែមដើម្បីជួយបំបាត់ភាពជ្រីវជ្រួញ ដោយការគូរជាស្រមោលភ្នែក។ ប្រសិនបើអ្នកចង់ដាក់ត្របកភ្នែក អ្នកមិនគួរដាក់ស្រមោលភ្នែកពណ៌ទឹកប្រាក់ទៀតទេហើយ ត្រូវប្រាកដថាអ្នកមិនដាក់ស្រមោលភ្នែក, ម៉ាស្ការ៉ា និងចិញ្ចើមខ្លាំងពេក ព្រោះអាចធ្វើឲ្យបុរសរបស់អ្នកមើលទៅមិនស្អាត។
៤. ស្នាមប្រលាក់នៃម៉ាស្ការ៉ា
បុរសៗគិតថា រោមភ្នែកវែងធ្វើឲ្យមនុស្សស្រីមានភាពស៊ិចស៊ី ប៉ុន្តែរោមភ្នែកវែងដែលបានដាក់ម៉ាស្ការ៉ាក្រាស់គឺជាបញ្ហាមួយទៀត។ ដូច្នេះ ធ្វើឲ្យម៉ាស្ការ៉ាប្រលាក់នៅក្រោមភ្នែករបស់អ្នក។ ក្រោយពេលប្រើម៉ាស្ការ៉ារួច អ្នកគួរប្រើជក់ ដើម្បីបោសស្នាមប្រលាក់ចេញ។ ស្វែងរករូបមន្តដែលមិនធ្វើឲ្យប្រលាក់ក្រោមភ្នែក។
៥. ក្លៀកសើម
ស្ត្រីនិយមមួយចំនួនប្រឆាំងនឹងវប្បធម៌ដែលមនុស្សស្រីកោររោមក្លៀក។ ពិតណាស់ គ្មានបុរសៗណាចង់បានមនុស្សស្រីមានរោមជើងវែងៗ ឬរោមក្លៀករញ៉េរញ៉ៃនោះឡើយ។ មនុស្សប្រុសចូលចិត្តមនុស្សស្រីដែលគ្មានរោមជើង។
៦. ស្បែកស្ងួត
ស្បែកស្ងួត ពិតជាពិបាកនឹងស្ទាបអង្អែល។ ស្នាមជាំកែងដៃនិងការប្រេះកែងជើងក៏មិនផ្តល់ភាពទាក់ទាញដែរ។ អ្នកគួរធ្វើឲ្យរាងកាយមានសំណើមជារៀងរាល់ថ្ងៃ។ ហើយអ្នកមិនគួរធ្វើវាសម្រាប់តែមនុស្សប្រុសម្នាក់ទេ តែគួរធ្វើវាដើម្បីខ្លួនឯងជាមុនសិន។ អ្នកត្រូវចេះថែស្បែករបស់អ្នកឲ្យបានស្អាតជាប្រចាំ។ ប្រសិនបើអ្នកមានស្បែកស្ងួត ជម្រើសល្អគួរប្រើប្រេងដូង ឬប្រេងអូលីវហើយឧស្សាហ៏បិតម៉ាស់ឲ្យបានទៀងទាត់។
៧. ធុំក្លិនមាត់
ធុំក្លិនមាត់ និងធ្មេញលឿងពិតជាធ្វើឲ្យបុរសមិនចង់បឺតមាត់ឡើយ។ ហើយប្រសិនបើមានអាហារជាប់ធ្មេញក្រោយពេលទទួលទានរួច ឬមានស្នាមប្រឡាក់ជាប់ធ្មេញ អ្នកគួរសម្អាតវាឲ្យបានសស្អាត។ ឧស្សាហ៏ដុសធ្មេញឲ្យបានញឹកញាប់ ដើម្បីឲ្យដង្ហើមស្រស់ថ្លា ហើយធ្មេញគ្មានជាប់កាកសំណល់អាហារ។ ហើយប្រសិនបើអ្នកជក់បារី ឬទទួលទានកាហ្វេច្រើន គួរដាក់ស្ករកៅស៊ូមានជាតិជីអង្កាមជាប់នឹងខ្លួនរបស់អ្នក។
៨. បបូរមាត់ស្តើង
ចៀសវាងការគូរលើបបូរមាត់ស្តើង ត្រូវរក្សាពណ៌បែបធម្មជាតិ មានសំណើម។ ហើយចៀសវាងការគូរបបូរមាត់ពណ៌ខ្មៅ។
៩. សក់កន្ទ្រើង
បុរសៗចូលចិត្តនារីសក់ធម្មជាតិ។ ធ្វើម៉ូដសក់សាមញ្ញៗ ជាពិសេសប្រសិនបើអ្នកមិនសូវមានពេលទំនេរ។ ហើយកុំប្រើផលិតផលធ្វើម៉ូដសក់ច្រើនពេក បុរសៗមិនចូលចិត្តលាងដៃរបស់គេក្រោយពេលស្ទាបសក់របស់អ្នកឡើយ។ បុរសៗភាគច្រើនចូលចិត្តនារីៗមានសក់ទន់, មិនលេងម៉ូដច្រើន។
១០. ដាក់ក្រែមបបូរមាត់ក្រាស់ពេក
ព្យាយាមចំណាយពេលនិយាយជាមួយគាត់ឲ្យបានច្រើនជាងការព្រួយបារម្ភពីការតុបតែងមុខរបស់អ្នក។ គ្មានអ្នកណាម្នាក់និយាយប្រាប់អ្នកឲ្យកែសម្ភស្សទៅតាមតម្រូវការរបស់បុរសឡើយ តែមាន ២ ទៅ៣នាក់ ប៉ុណ្ណោះដែលចង់ឲ្យគូស្នេហ៏របស់ខ្លួនចេញឲ្យឆ្ងាយ។ ត្រូវចងចាំទុកចិត្តថា មនុស្សប្រុសភាគច្រើនស្រឡាញ់មនុស្សស្រីមានសម្រស់តាមបែបធម្មជាតិ៕
ដោយ៖ ដារ៉ា
ប្រភព៖ បរទេស