ការដកដង្ហើមមិនត្រឹមតែជួយកម្ចាត់ជាតិពុលចេញពីរាងកាយប៉ុណ្ណោះទេ វាថែមទាំងជួយបង្កើនខ្យល់អុកស៊ីសែនដល់ខួរក្បាល, ជួយឲ្យខួរក្បាលគិតបានលឿន និងជួយឲ្យរាងកាយមានភាពស្រស់ស្រាយ។
ដូច្នេះសូមឲ្យមានទម្លាប់ដកដង្ហើមខ្លីៗ ហើយរាក់ៗជាប្រចាំ ដើម្បីឲ្យដូចនឹងការដកដង្ហើមវែងៗជាញឹកញាប់។ វិធីសាស្ត្រសាមញ្ញៗបំផុត អ្នកគ្រាន់តែដកដង្ហើមចេញ បន្ទាប់មកដកដង្ហើមចូល។ ការដកដង្ហើមចេញ ដកដង្ហើមចូលជាវិធីសាមញ្ញៗក៏ពិតមែន តែវាមានប្រសិទ្ធិយ៉ាងខ្លាំង។ ប្រសិនបើអ្នកអនុវត្តបែបនេះជារៀងរាល់ថ្ងៃរយៈពេលពី ២០ ទៅ ៣០ នាទី រយៈពេល ២ ទៅ ៣ ខែក្រោយមក បរិមាណនៃសេរ៉ូតូនីន ដែលជាសារធាតុផលិត ដោយខួរក្បាល និងជាសារធាតុជួយដល់ការសម្រេចចិត្ត និងសមត្ថភាពគិតដល់មនុស្ស នឹងមានការកើនឡើងច្រើនដែលធ្វើឲ្យអ្នកមិនមានការហត់នឿយ, មានសមត្ថភាពក្នុងការគិត, រាងកាយរឹងមាំ ហើយសម្ពាធល្អប្រសើរ។
នៅពេលមនុស្សចេះដកដង្ហើមបានត្រឹមត្រូវ ដង្ហើមនឹងជួយកម្ចាត់ជាតិពុលចេញពីរាងកាយ។ សារធាតុពុលជាច្រើនដូចជា៖ នីត្រាត, ឧស្ម័នកាបូនិច ដែលប្រមូលផ្តុំនៅក្នុងបេះដូង ដូច្នេះនៅពេលអ្នកដកដង្ហើមចូល ជាតិពុលទាំងនេះនឹងនៅលាយឡំជាមួយនឹងដង្ហើម បន្ទាប់មកសារធាតុពុលទាំងនេះនឹងចេញពីរាងកាយបានតាមរយៈការដកដង្ហើមចេញមកវិញ។
ការដកដង្ហើម និងការគិតមានទំនាក់ទំនងនឹងគ្នាយ៉ាងស៊ីជម្រៅ។ មេរៀនដែលសំខាន់ ហើយចាំបាច់ អ្នកគួរធ្វើលំហាត់ប្រាណយូហ្គា ដើម្បីជួយកម្ចាត់ជាតិពុលចេញពីបេះដូង ធ្វើឲ្យអារម្មណ៏ស្រស់ស្រាយ។
ដង្ហើម និងអារម្មណ៏មានទំនាក់ទំនងជិតស្និទ្ធិនឹងគ្នា។ នេះប្រហែលជាអ្នកមិនដែលធ្លាប់បានកត់សម្គាល់ខ្លួនឯងទេ តែអ្នកគួរដឹងអំពីរឿងនេះ។ ឧទាហរណ៏៖ នៅពេលអ្នកខឹង ដង្ហើមរបស់អ្នកនឹងដកចេញចូលវែងៗម្តង ហើយម្តងទៀត, នៅពេលបានជួបនឹងគូស្នេហ៏ ដង្ហើមដកចេញចូលខ្លីៗ, នៅពេលមានអារម្មណ៏ស្ងប់ ដកដង្ហើមវែងៗ ហើយយឺតៗ, នៅពេលមិនសប្បាយចិត្ត ដង្ហើមចេញចូលខ្លីៗ…។
ព្យាយាមដកដង្ហើមឲ្យបានត្រឹមត្រូវ ដើម្បីគ្រប់គ្រងគំនិតរបស់អ្នក អាចជួយឲ្យជីវិតរបស់អ្នកកាន់តែប្រសើរឡើង។ រៀនផ្លាស់ប្តូរអារម្មណ៏របស់អ្នក ធ្វើចិត្តឲ្យសប្បាយៗដោយការដកដង្ហើមឲ្យបានត្រឹមត្រូវ…៕
ដោយ៖ ដារ៉ា
ប្រភព៖ បរទេស