ការទទួលទានត្រី ៣ ដងក្នុង ១ សប្តាហ៏អាចជួយឲ្យអ្នកមានសុខភាពល្អ។ មិនថាអ្នកទទួលទានត្រីសមុទ្រ ឬត្រីទន្លេទេ អត្ថប្រយោជន៏នៃប្រភេទអាហារបែបនេះមានលក្ខណៈធំធេងណាស់។ ប្រសិនបើអ្នករស់នៅជិតសមុទ្រ អ្នកនឹងអាចរកទិញត្រីបានដូចជា៖ ត្រីស្បៃកា, ត្រីធូណា និងត្រីសាល់ម៉ុន។ តែប្រសិនបើអ្នករស់នៅជិតទឹកសាប អ្នកនឹងអាចទទួលបានអត្ថប្រយោជន៏ដល់សុខភាពពីត្រីគល់រាំង។
ទោះបីជាត្រីផ្តល់អត្ថប្រយោជន៏ដល់សុខភាពក៏ពិតមែន តែអ្នញ៉ាំមិនងាយនឹងយកត្រីធ្វើជាម្ហូបញឹកញាប់ឡើយ ព្រោះមនុស្សភាគច្រើនចូលចិត្តទទួលទានសាច់មាន់ ឬស៊ុតជាងសាច់ត្រី។ តែវាក៏ផ្អែកទៅលើចំណង់ចំណូលចិត្តរបស់បុគ្គលម្នាក់ៗដែរ។
វីតាមីន C
ត្រីគល់រាំងជាប្រភេទត្រីទន្លេ។ ត្រីនេះសម្បូរទៅដោយវីតាមីន C ដែលអាចជួយរក្សាសុខភាពមនុស្សបានល្អ។ វាអាចជួយព្យាបាលជំងឺផ្តាសាយ និងក្អក ហើយការពារការកើតជំងឺផ្សេងៗ។
សម្បូរជាតិប្រូតេអ៊ីន
ប្រូតេអ៊ីនរបស់ត្រីជាប្រូតេអ៊ីនល្អបំផុតសម្រាប់សុខភាព។ គេនិយាយថា ប្រភេទត្រីសមុទ្រមានផ្ទុកនូវបរិមាណប្រូតេអ៊ីនច្រើន។ ប៉ុន្តែចំពោះត្រីទន្លេវិញក៏សម្បូរជាតិប្រូតេអ៊ីនមិនចាញ់ត្រីសមុទ្រប៉ុន្មានឡើយ។ ការរស់នៅក្បែរតំបន់ទឹកសាប ប្រភេទត្រីទន្លេដែលសម្បូរប្រូតែអ៊ីនជាងគេ គឺត្រីគល់រាំង។ សម្រាប់ក្មេងតូចៗ និងមនុស្សជំទង់ ប្រូតេអ៊ីនរបស់ត្រីគល់រាំងនេះអាចជួយដល់ការលូតលាស់ និងទ្រទ្រង់សុខភាពបានល្អ។
ជាតិខ្លាញ់តិច
ត្រីគល់រាំងសម្បូរទៅដោយជាតិប្រូតេអ៊ីន តែមានជាតិខ្លាញ់តិច។
ជំនួយដល់បេះដូង
អាស៊ីតខ្លាញ់ អូមេហ្គា ៣ ត្រូវបានគេដឹងថា វាជំនួយដល់បេះដូង។ យើងទាំងអស់គ្នាប្រហែលជាធ្លាប់បានដឹងហើយ ពីប្រេងឆាដែលមានផ្ទុកនូវអាស៊ីតខ្លាញ់ អូមេហ្គា ៣ ប៉ុន្តែអ្នកដឹងទេថា ប្រភពអាស៊ីតខ្លាញ់អូមេហ្គា៣ នេះ បានមកពីត្រីគល់រាំង។ ដូច្នេះហើយ នេះជាហេតុដែលធ្វើឲ្យអ្នកគួរតែទទួលទានត្រីគល់រាំងនៅថ្ងៃនេះ។
ជំនួយដល់ខួរក្បាល
សាច់ត្រី និងខួរក្បាលតែងតែមានទំនាក់ទំនងជាមួយគ្នា។ ការទទួលទានត្រីអាចផ្តល់អត្ថប្រយោជន៏ជាច្រើនដល់រាងកាយ និងខួរក្បាល។ អ្នកទទួលទានត្រីច្រើនតែងតែមានការចងចាំបានប្រសើរ ហើយមានជំនាញខាងវិភាគ។
សម្បូរសារធាតុខនិជ
សារធាតុខនិជចាំបាច់ដែលគេបានរកឃើញនៅក្នុងត្រីគល់រាំងមានដូចជា៖ ជាតិដែក, ស័ង្កសី, អ៊ីយ៉ូត, ប៉ូតាស្បូម និងសេលីស្យូម។ សារធាតុខនិជទាំងអស់នេះហើយ ដែលរាងកាយត្រូវការ។
ប្រឆាំងនឹងជំងឺមហារីក
ជំងឺដែលធ្វើឲ្យមនុស្សលើពិភពលោកអាចស្លាប់បានគឺជំងឺមហារីក។ សារធាតុប្រឆាំងអុកស៊ីតកម្មក្នុងត្រីអាចជួយប្រយុទ្ធប្រឆាំងនឹងជំងឺមហារីកយ៉ាងមានប្រសិទ្ធិភាព។ យល់ល្អ អ្នកគួរតែទទួលទានត្រីឲ្យបានច្រើនមិនថា វាជាត្រីទន្លេ ឬត្រីសមុទ្រឡើយ៕
ដោយ៖ ដារ៉ា
ប្រភព៖ បរទេស